Hosea 10:5 - Tedim Bible

⁵ Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Tedim Bible Revision 2017

⁵ Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.

Hosea 10:5 Referans Kwoze

Hosea 9:11

Israel’ min liatna teng vasa bangin leeng mang ding a, amau’ sung panin nau suak nupi gai, nau paai cih om nawn lo ding hi.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

2 KUMPI NIHNATE 23:5

Tua ciangin amah in Judah khuapite leh Jerusalem kiim a, om mual tunga biaknate tungah paknamtui hal dingin Judah kumpite in a kipsaksa milim biate’ siampite hawlkhia hi; Baal tung, ni tung, kha tung, aksi honpite tung, leh vantung a, om nate khempeuh tungah paknamtui a halte zong hawlkhia hi.

Hosea 13:2

Tua hi napi-in amaute khial thuah semsem uh a, a biak ding uh milim bawl uh hi. Amau’ ngunte milimin bawl uh a, a hoih takin khutsiamte bawlsak uh hi. Tua ciangin, “Hihte tungah biakna pia un,” ci uh hi. Mihing in milim bia-in nam tazen uh hi.

Sawltak 19:27

Eite nasepna hong siagawp ding tham loin, a lian dawi-numei Diana biakna inn nasim lo a, Asia gam akipan mi khempeuhte in a biak uh a minthan’na zong a kisiat ding lunghihmawh huai hi,” ci-in a gen hi.

Zefaniah 1:4

Judah gam mi khempeuh susia-in, Jerusalem khua-a teeng mi khempeuh ka sumai ding hi. Baal milim biakna a them bang lai khempeuh leh tua milim na a sem siampite hih mun panin, a vekpi-in ka sumai ding hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

2 KUMPI NIHNATE 10:29

Ahih hangin Beth-el leh Dan ah a omkhawm bawngnote ahi, Israelte a khialhsakna, Nebat’ tapa Jeroboam’ khialhnate panin Jehu kiheikhia lo hi.

Thukhente 18:24

Amah in, “Note in keima bawlsa ka pasiante, leh siampipa la-in na paikhia uh hi; keimah in bang nei nawn ka hi hiam? Tua ahih ciangin, ‘Bang thu ahi hiam? bang hangin hong ci thei na hi uh hiam?” a ci hi.

Joshua 7:2

Joshua in Jerikho panin Beth-el nisuahna lam, Beth-aven gei-a om Ai khua-ah mi sawl a, amaute kiangah, “Paito un la a gam va ensim un,” a ci hi. Tua mite paito-in Ai khua va ensim uh hi.

2 KHANG TANGTHU NIHNATE 13:8

“Note mi tampi na hihna uh leh note’ pasian dingin Jeroboam in hong bawlsak kham bawngnote note tawh a om manin, David’ suante’ khut sung panin Topa’ kumpi gam do ding tu-in na ngaihsun uh hi.

Isaiah 46:2

Amaute kunin, amaute puksuk khawm uh a, amaute in vangik pengsak thei lo uh a, amaute mahmah zong galte’ matna sungah tung uh hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.