Hosea 10:15 - Tedim Bible

¹⁵ Israel mite aw, note’ gamtat hoih lohna hangin tu-a bang teekin note tungah thu hong piang ding hi. Gal do a kipat phetin Israel kumpipa si pah ding hi.

Tedim Bible Revision 2017

¹⁵ Israel mite aw, noteʼ gamtat hoih lohna hangin tu-a bang teekin note tungah thu hong piang ding hi. Galdo a kipat phetin Israel kumpipa si pah ding hi.

Hosea 10:15 Referans Kwoze

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 10:7

Tui tunga tuiphuan laam bangin a kumpipa uh maimang ding hi.

ROM (Romans) 7:13

Tua bang ahih leh, a hoih a pha na in keima tungah sihna a suak ahi hiam? Tua bang hi zenzen lo hi. Mawhna in mawhna taktak ahihna a kilat nadingin a pha nate hangin keima sungah sihna thu a piangsak hi. Bang hang hiam na cih uh leh, mawhna in thukham hangin mawhna taktak a pian’ theih nading ahi hi.

Hosea 10:3

Hih mite in a sawt loin, “Topa kihta lo i hih manin kumpi i nei kei hi. Kumpi khat in eite’ adingin bang hong hihsak thei lel ding ahi hiam?” ci ding uh hi.

Isaiah 16:14

Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Hosea 11:1

Israel a neu lai-in ka it mahmah a, Izipt gam a nusiat-a kipanin ka tapa aw, ka ci hi.