Hosea 10:12 - Tedim Bible

¹² Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Tedim Bible Revision 2017

¹² Khai tuh bangin thuman tuhin, kei nong itna hangun a piang thuphate at un. Noteʼ Topa keima lamah nong kihei ding uh a hun hi ta ahih manin lo thak lei kal kham un. Tua hileh kei hong pai-in note tungah thupha kong pia ding hi, ka ci hi.

Hosea 10:12 Referans Kwoze

Jeim 3:18

Kilemna a piangsak thei mite ading dikna thu khaici kilemna tawh kivawhin a om hi.

Isaiah 45:8

“Vantungte aw, tung lam panin thumanna zusak un la, vantungte in thumanna buasuk ta un. Hotkhiatna a po khiat theih nadingin leitang kihong sak un la, thumanna zong po khiato sak un; keimah Topa in hih thu ka bawl khin zo hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Isaiah 55:6

“A kimuh theih hun lai-in Topa zong un la, a nai om lai-in amah sam un;

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Thuhilh-sia 11:6

Zingsang-a kipan khaici tuh in la, nitak dong mateng khawl kei in. A vek-a a po kim ding ahi a, khat sia-in, khat a po ding ahi zongin, bangmah na theih kholh om lo hi.

Late 105:4

Topa leh ama hatna zong un la, ama mai a tawntungin zong un!

Luka 13:24

Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Amos 5:6

Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Amos 5:4

Tua ahih manin Topa in Israel mite tungah hih bangin ci hi: Kei hong zong un, tua hi leh na nungta ding uh hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Sawltak 2:18

Tua lai takin ka nasem pasal leh numeite tungah, Ka kha ka bua ding a, thu a hilhkhol ding uh hi.

Ezekiel 34:26

Amaute thupha pia-in ka mual siangtho kiim-ah ka om sak ding hi. A kisap hun hunin thupha guahtui ka zusak ding hi.

Isaiah 32:20

Tui tampi a omna-ah khai tuh a, bawngtal leh late a ut utna-ah a ta sak note in mi lungdam na hi uh hi.

Isaiah 30:23

Amah in, khaici na tuh nadingun guah hong zusak ding a, lei pan-a piang an hoih tampi tak hong pia ding hi. Tua ni ciangin gankhahna mun zaina-ah na ganhingte un lopa ne ding uh hi;

Jeremiah 50:4

“Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

2 KORIN NIHNA 9:10

Khaici vawhte’ khaici ahi zongin, nek theih an ahi zongin a piapa in note vawh ding khaici hong pia a, a khangsak ding a, note dikna’ gahte a tamsak ding hi.

Isaiah 48:18

Ka thupiakna a ngai hi hoh leteh! Nangma nopsakna pen gunpi bang ding a, na thumanna pen tuipi tuihualte tawh kibang ding hi;

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.