Hosea 10:10 - Tedim Bible

¹⁰ Hih mi mawhte thuhilh nadingin daan ka pia ding a, a thuap thuap-a a mawhna hangun thuhilh nadingin minam dangte in amaute hong sim ding uh hi.

Tedim Bible Revision 2017

¹⁰ Hih mimawhte thuhilh nadingin gim ka pia dinga, a thuapthuapin a mawhna hangun thuhilh nadingin minam dangte in amaute hong sim ding uh hi.

Hosea 10:10 Referans Kwoze

Ezekiel 5:13

“Ka lung a kim dongin kong hih ding a, ka hehna leh ka sinsona teng na thuak ding uh hi. Note tungah hih thute hong tun’ ciangin, note cihtaklohna hangin deihsakluatna tawh a hong heh pau ka hihna na phawk ding uh hi.

Hosea 4:9

Mite’ thuak dinga kilawm daantahna mah siampite in zong thuak ding uh a, amau’ gamtatna bangin daan pia-in amau’ siatna bangin ka thukkik ding hi.

Jeremiah 16:16

“En un, Topa in kong cih-inah, nga beng tampi ka khah ding a, amaute ka mansak ding hi. Tua khit ciangin sa beng tampi ka khah ding a, amaute in mual tung khempeuh leh suanghawmte panin amaute a bengmang ding uh hi.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Hosea 8:10

Tua bangin mi namdangte a cial hangun keimah in amaute kaikhawmin daan ka pia ding hi. Assiria kumpipa’ bawlsiatna tawh a sawt loin gimna ngah ding uh hi.

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Ezekiel 23:46

“Topa Pasian in hih bangin ci hi: Amaute lausak gawpin a nate uh a sut gawp dingin mihon khat pai sak in.

Ezekiel 23:9

Tua ahih ciangin a lunggulh mahmah, a it Assiria mite khut sungah amah ka pia hi.

Ezekiel 16:42

Tua ciangin ka hehna dam ding a, dai takin ka om ding hi. Na tungah ka heh nawn kei ding a, zong kong aam nawn kei ding hi.

Ezekiel 16:37

na lawm luite khempeuh—na itte hita leh, na mudahte hita leh, a vekpi-in ka kaikhawm ding hi. Na kimkot-ah amaute omsakin, tua ciangin na puan teng kong hawkkhiatsak ding a, na guaktangin na omna ka en sak ding hi.

Jeremiah 21:4

‘Topa, Israel mite’ Pasian in a gen-inah, En un, khua kulhpi pua lam-a a hong umcih Babilon kumpipa leh Khaldea mite na dona uh ahi, na khut sung-ua na kep na galhiamte uh bangmah a, kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Thu-hilhkikna 28:63

Topa in note tungah a hoih bawlna leh note tampi phasakna ah nuam a sak mah bangin, note tungah siatna tun’sakna leh note suksiatna ah zong Topa in nuamsa ding hi; a luah dingin na lutna uh leitang panin note hong kilakhia ding hi.

Hosea 10:9

Gibeah khua-a a khialh uh-a kipanin kei tungah hong khialhna uh Israel mite tawp nai lo uh hi. Tua ahih manin Gibeah khua-ah gal in amaute pha ding hi.

1 KUMPI MASATE 12:28

Tua ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem ah sau vei khop na paikhin ta uh hi. Israel mite aw, Izipt leitang panin note hong paikhiatpih na pasiante uh en un,” a ci hi.

JOB (Job) 39:10

Nangmah in khauhual tawh khih zo ding a, na lo-ah na lokhawhna leng kaisak zo ding na hi hiam?

Hosea 4:19

Huihpi nung in a mut khiat bangin amaute a phiat khia mang ding lungsim paai uh hi. Amau’ biak pasiante in amaute huh lo ding hi.