Hebru 9:22 - Tedim Bible

²² Thukham thu bangin na khempeuh sisan tawh kisiangthosak hi cih ding ahi hi. Sisan kibua loin mawhna maisakna a om kei hi.

Tedim Bible Revision 2017

²² Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Hebru 9:22 Referans Kwoze

Siampi Laibu 17:11

Bang hang hiam cih leh a pumpi nuntakna in sisan sungah a om hi; note ading kilemna bawl nadingin note adingin biakna tau tungah tua sisan ka pia zo hi; bang hang hiam cih leh sisan in nuntakna ahih manin kilemna a piangsak na ahi hi.

Siampi Laibu 6:7

Siampipa in Topa mai-ah ama ading kilemna bawlsak ding a, mi khat a mawh theih ngeina khatpeuh peuhte ah amah kimaisak ding hi,” a ci hi.

Siampi Laibu 4:35

Thunuam-a biakpiakna panin tuuno thau a kilak khiat mah bangin amah in a thau khempeuh lakhia ding a, Topa’ tungah mei tawh kihal biakna, biakna tau tungah siampipa in hal ding hi; siampipa in ama gamtatnasa a khialhna hangin kilemna bawlsak ding hi; amah kimaisak ding hi.

Siampi Laibu 5:18

Tuuhon lak panin a sitbang lo tuutal khat, mawhna hanga biakna man zah ding nangmah in seh in la, amah in siampipa kiangah paipih ding hi; theih lohna hanga ama gamtatnasa khialhna hangin siampipa in ama ading kilemna bawlsak ding hi; amah kimaisak ding hi.

Siampi Laibu 14:14

Siampipa in mawhna hanga biakna si tawmkhat la-in amah in tua si pen a kisiangthosak ding mipa’ taklam bil teep, a taklam khutpi, leh a taklam khepi nuh ding hi.

Siampi Laibu 14:6

Amah in a hing lai vasa pen taamtaak sing leh a ausan puan leh puknah tawh la khawmin, tuate leh a hing lai vasa pen tui luang tunga kithat vasa’ si sungah diah ding hi;

Siampi Laibu 5:10

Tua ciangin amah in ngeina kip om bangin meihal biak nadingin a khat pia ding hi; siampipa in a gamtatnasa a khialhna hangin kilemna bawlsak ding hi; amah kimaisak ding hi.

Siampi Laibu 4:26

Thunuam-a biakna sathaute mah bangin amah in biakna tau tungah a thau khempeuh hal ding hi; tua ahih ciangin siampipa in ama khialhna hangin ama adingin kilemna bawlsak ding hi; amah kimaisak ding hi.

Siampi Laibu 4:20

Tua bangin a bawngtal hih ding hi; amah in khialna hanga biakna bawngtal a hihsa mah bangin hih zong hih ding hi; siampipa in amau adingin kilemna bawl sak ding hi; amaute kimaisak ding hi.

Siampi Laibu 14:25

Amah in mawhna hanga biakna tuuno go ding hi; siampipa in mawhna hanga biakna si tawmkhat la-in, a kisiangthosak ding mipa, taklam bil teep, a taklam khutpi, leh a veilam khepi nuh ding hi.

Siampi Laibu 5:12

Amah in siampipa kiangah paipih ding a, siampipa in phawkna-in khut dim khat la-in Topa tungah mei tawh kihal biakna, biakna tau tungah hal ding hi; tua in khialhna hanga biakna ahi hi.

Siampi Laibu 5:11

“Ahih hangin amah in vakhu nih ahi a, kawl vakhu no nih ahi zongin a piak zawh kei leh, amah in a gamtatnasa khialhna hangin a biakna-in an nel seu khat sehsawm suah sehkhat khialhna hanga biak nadingin paipih ding hi; tua in khialhna hanga biakna ahih manin amah in tua tungah sathau sawh loin, paknamtui zong hel lo ding hi.

Ezekiel 43:18

Tua ciangin Topa Pasian in kei kiangah, “Ezekiel aw, hih biakna tau zat nading ngeinate in hih bang hi ding hi: Biakna tau a kizawh khit ciangin a tungah meihal biakna piakna leh biakna piakna ganhing site thehna tawh apna a bawl ding na hi hi.