Hebru 9:14 - Tedim Bible

¹⁴ tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Tedim Bible Revision 2017

¹⁴ tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 9:14 Referans Kwoze

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Hebru 10:2

Ahih kei leh, a bia mite in khatvei bekin a sian’ tho khit uh ciang lungsim kisuan’na om nawnlo ding ahih manin biak piakna piak kikkik ding kisam nawnlo ding hilo ahi hiam?

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

ROM (Romans) 11:12

Amau pukna un leitungmite hauhna hi a, amau tan’na un Gentailte hauhna ahih leh, amaute kicin’na un hauhna tamzaw piang sak ding hilo ahi hiam?

Luka 1:74

A hong mudah khempeuhte khut sung pan ahi zongin, hong gupkhiat nadingin,

1 PETER MASA 2:22

Amah in mawhna ahih kei hi, a kam panin zong thu zuau a kimu kei hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Galati 2:19

Keimah in Pasian hangin ka nuntak theih nadingin Thukham tawh Thukham hangin si-in ka om hi. Keimah in Khazih tawh singlamteh tungah sihna ka thuakkhawm zo hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

ROM (Romans) 11:24

Bang hang hiam na cih uh leh, gamlak oliv kung taktak panin hong sat tanin, oliv kung hoih tungah ngeina zui loin nang hong kipeh leh, hiang taktakte ahi uh tua mite in amau oliv kungah zomin peh kik nading a ngah zaw ding uh hilo ahi hiam?

ROM (Romans) 1:20

Bang hang hiam na cih uh leh, ama tawntung vangliatna leh siangthona ahi, mit tawh kimu thei lo nate, lei apian’cil a kipan kilangin a kimu hi. Tua ahih ciangin amaute in a kisuahtak thei kei ding uh hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Siampi Laibu 22:20

Note in a sitbang khatpeuh peuh na pia kei ding uh hi; bang hang hiam cih leh hong kisang zo lo ding hi.

Hebru 11:21

Jakob in zong a sih ding a naih ciangin upna tawh Josef’ tate nih thupha pia-in, a ciangkhut dawnah kinangin Pasian a bia hi.

Hebru 9:9

Tua dei in biakna leh piaknate tu lai tak hun ading lim ahi hi. Lungsim theihna tawh ngaihsun leng, tua biakna leh piaknate in a bia mite a kicingsak zo lo tham loin,

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Thu-hilhkikna 17:1

“Bawng ahi a, tuu ahi zongin poina nei a, kisapna khatpeuh peuh a om peuhmah Topa note’ Pasian tungah biak piakna-in na pia kei ding uh hi; bang hang hiam cih leh tua in Topa note’ Pasian adingin a kihhuai ahi hi.

Hebru 9:7

A nihna dei sungah siampi ukpa in ama ading ahi zongin, midangte ading ahi zongin, biakna ganhing sisan paipihin, kum khatin, khatvei bek a tum hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

Luka 12:28

Upna neute aw, tuni-in om a, zing ciangin meikhuk ah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Luka 12:24

Va-akte na lungngai un. Amaute in khaici tuh lo, a at kei uh hi. Beem ahi zongin, saal ahi zongin a nei kei uh hi. Ahih hangin Pasian in tuate a vak hi. Vasate sangin note in bangzahvei a manpha zaw na hi uh hiam?

Mattiu 12:28

Keimah in Kha Siangtho suangin dawite ka hawlkhiat leh, Pasian’ Gam in note kiangah hong tung zo hi.

Mattiu 7:11

Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

2 SAMUEL NIHNA 4:11

Migilote in a thuman mi khat ama inn sung a lupna tungah a thah ciangin note’ tungah ama phu hong la-in, leitung panin note hong susia zawkan ding hilo ka hi hiam?” a ci hi.

Thu-hilhkikna 33:27

Tawntung Pasian in nangma omna hi a, nangmah huh dingin tawntung baante a om hi. Amah in na mai-ah galte nawhkhia-in, Susia un, ci hi.

Gamlak-vakna 28:11

“Kha simin a ni masa ni-in Topa tungah meihal biakna na pia ding uh hi: bawngtalno nih, tuutal khat; a sit bang lo kum khat a pha tuuno a pa sagih hi ding hi;

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Thu-hilhkikna 15:21

Ahih hangin poina khatpeuh, a khebai a mittaw, ahih kei leh poina lian khatpeuh peuh a neih leh, Topa note’ Pasian tungah biakna in na pia kei ding uh hi.

Gamlak-vakna 28:3

Amaute tung a, hih in Topa tungah na piak ding uh mei tawh kihal biakna ahi hi; a sit bang lo kum khat a pha tuuno nih, tatsat loin biak piakna-in ni simin na pia ding uh hi.

Isaiah 53:9

Amah in mawhna bawl lo, amah in zuau gen ngei lo napi-in, amaute in, mi gilote tawh hankhuk kibang, siatna bawlte tawh hanphual kibang bawl sak uh hi,” ci uh hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

JOB (Job) 15:16

Mihing in tui i dawn bangin siatna i dawndawn a, mihing pen siahuai-in bangmah i man kei hi.

2 KUMPI NIHNATE 19:16

Topa aw, na bil hong ngat in la, hong za in; Topa aw, na mitte hong hak in la, hong mu in; tua ciangin a nungta Pasian a zahkona dingin a hong khak Sennakherib’ thute za in.

1 SAMUEL MASA 17:26

David in ama kianga ding mite kiangah, “Hih Filistiapa that-in Israelte tung panin hih mindaina a beisakpa adingin bang kihih ding ahi hiam? Amah in a nungta Pasian’ galkapte a to dingin hih dawibia Filistiapa in kua ahi hiam?” a ci hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in, a nungta lai kua om ahi hiam?

Gamlak-vakna 28:9

“Sabbath ni-in a sit bang lo kum khat a pha tuuno nih leh an tawh biakna-in sathau tawh a kibawl annel seu khat sehsawm suah sehnih leh a leenggahzu tawh biakna hi ding hi:

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Thu-hilhkikna 31:27

Bang hang hiam cih leh a lehdo mite leh a lungkhauh mite na hihna uh ka thei hi; en un, note tawh kei a nungta khawm laipi mahin, tu ni-in Topa na lehdo khin uh hi; ka sih khit ciangin bangzah takin lehdo zawlai ding na hi uh hiam!

Paikhiatna 12:5

Na ganno uh a sitbang lo hi ding a, kum khat a pha a pa hi ding hi; tua pen tuu ahi a, keel ahi zongin, khat peuhpeuh hi thei ding hi;

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Ezekiel 45:18

“Topa Pasian in hih bangin ci hi. Kha khat a, a ni masa ni-in pauban’na a om lo bawngtal khat biakna-in pia-in biakinn a siangsak ding na hi uh hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Hebru 7:16

Tua siampi in pum tawh kipawl ngeina thu bang hi loin, a nungta tawntung vangliatna bangin kikoihin a om hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Hebru 13:12

Tua mah bangin Zeisu in ama sisan tawh mite a siangthosak nadingin khuapi kongkhak pua lamah sihna a thuak hi.