Hebru 9:13 - Tedim Bible

¹³ Bang hang hiam na cih uh leh, bawng’ si, keel’ si leh bawngnuno’ kangvute in a nin mite tungah a kitheh ciangin amau pum uh a siangtho sak thei ahih uh leh,

Tedim Bible Revision 2017

¹³ Keel sisan, bawngtal sisan le bawngla kihal tum vute, biakna vai-in a siang lo mite tungah a kitheh ciangin biakna vai-in miteʼ pum tung siangthosak thei ahihleh,

Hebru 9:13 Referans Kwoze

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

2 KHANG TANGTHU NIHNATE 30:19

biakinn siangthona ngeina om bangin a sian’ loh uh hangin lungsim tak tawh nang hong biate khempeuh’ mawhna maisak in,” a ci hi.

Gamlak-vakna 8:7

Amaute sian’sak nadingin hih bangin na hih ding hi: sian’suahna tui amaute tungah theh in la, a pumpi khempeuh mulkiatna tawh amau mah kiat sak in la, a puante uh sawpin amau mah na kisiang tawm sak ding hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Hebru 9:19

Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Ezekiel 44:26

Amaute a kisian’suah khit uh nipi kal khat khit ciang bekin,