Hebru 8:1 - Tedim Bible

¹ Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Tedim Bible Revision 2017

¹ Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.

Hebru 8:1 Referans Kwoze

Kolose 3:1

Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Late 104:1

Topa ka phat ding hi. Topa ka Pasian aw, nang na lian mahmah hi. Nangmah in minthan’na leh liatna na silh hi.

Late 21:5

Nangma huhna hangin ama minthan’na lian a, hoihna leh minliatna ama tungah na pia hi.

1 KHANG TANGTHU MASATE 29:11

Topa aw, liatna, leh vangliatna, leh minthan’na, leh gualzawhna, leh min liatna in nangma’ aa ahi hi; bang hang hiam cih leh vantung leh leitungah a om khempeuh in nangma’ aa ahi hi; Topa aw, kumpigam in nangma’ aa hi a, tuate khempeuh tungah nang a lutangin hong kisangsak hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

Isaiah 24:14

A suakta sun mite in lungdamin la sa ding uh hi. Nitumna lam a, om mite in Topa a liat mahmahna thu gen ding uh a,

Late 145:12

a vanglian nangma sepnate leh na Kumpi gam hoihna a minthan’nate mihing tate’ tungah kitheisak ding uh hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

JOB (Job) 37:22

Kham meel khuavak leilu lam pan hong taang a, Pasian’ minthan’na in zahtakna tawh hong kidimsak hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.