Hebru 7:9 - Tedim Bible

⁹ Tua ahih ciangin seh sawm suah seh khat a ngah theipa Levi in Abraham tung pan seh sawm suah seh khat a pia hi ci-in gen ding thu a om hi.

Tedim Bible Revision 2017

⁹ Abraham in Melkhizedek tungah sawm-ah-khat a piak ciangin ama suan Levi in zong ama pupi Abraham tungtawnin a pia mah kici thei hi.

Hebru 7:9 Referans Kwoze

ROM (Romans) 5:12

Tua ahih ciangin mi khat hangin khialhna in leitungah tung a, mawhna hangin sihna a piang mah bangin, mi khempeuhte in zong a mawh zo uh ahih ciangin, mi khempeuh tungah sihna hong tung hi.

Piancilna 14:20

na galte na khut sungah a hong pia, Sang Pen Pasian in thupha ngah hen!” ci hi. Abram in na khempeuh seh-sawm-suah-seh-khat ama' tungah pia hi.

Hebru 7:4

I pu Abraham in a sum ngah ahoih bel seh sawm suah seh khat pia-a a sang tua pa in bang zah a lian na lunggai un.

Thu-hilhkikna 26:12

“Sehsawm suah sehkhat piak kum ahi a kum thumna kumin, amaute in na khuapite uh sungah an ne-in gilvahin a om theih nadingun Levi mite, peemtate, pa nei lote, leh meigong numeite tungah na piak uh, na khawhsa uh sehsawm suah sehkhat na piak khit uh ciangin,

Mattiu 7:8

Bang hang hiam na cih uh leh, a ngente khempeuh in a ngah uh hi. A zongte khempeuh in a mu uh hi. A kiute khempeuh ading kongkhak a hon’ ding hi.

Hebru 7:8

Tua tham loin, a si thei mite in tu lai takin seh sawm suah seh khat a sang uh hi. Tua lai takin ahih leh, a nungta hi ci-in teci pan’na a ngah mi in seh sawm suah seh khat a ngah hi.

Hebru 7:10

Bang hang hiam na cih uh leh, Melkhizedek in Abraham a dawn lai takin Levi in ama pupi’ pumpi sungah a om lai hi.