Hebru 7:8 - Tedim Bible

⁸ Tua tham loin, a si thei mite in tu lai takin seh sawm suah seh khat a sang uh hi. Tua lai takin ahih leh, a nungta hi ci-in teci pan’na a ngah mi in seh sawm suah seh khat a ngah hi.

Tedim Bible Revision 2017

⁸ Siampiteʼ lakna tawh kisai-in ahihleh a si thei mi mah ahi siampite in mite tung panin sawm-ah-khat a la uh hi. Ahi zongin Melkhizedekʼ lakna tawh kisai-in ahihleh Lai Siangtho in a gen mah bangin a nungta tawntung mipa in sawm-ah-khat a la ahi hi.

Hebru 7:8 Referans Kwoze

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Hebru 5:6

Tua mah bangin Lai Siangtho mun khatah a gen-inah: “Nang in Melkhizedek’ pawl a tawntung Siampipa na hi hi,” a ci hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Hebru 7:23

Tuate in si-in a kip tawntung zawh loh man-inah a tampi siampi a suak uh hi.

Johan 14:19

Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Hebru 3:16

Thu za napi-un kilemlohna bawlin a hehsak mite kua ahi hiam? Moses nungzui-in Izipt gam pan a paikhia uh mi khempeuhte in tua bang hilo ahi uh hiam?

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Hebru 9:27

Mite in khatvei bek si-in tua nung ciangin thukhenna a thuak uh hi;

Hebru 7:7

Milian in mi neute thupha a piakna thu nial nading a om kei hi.

Hebru 7:9

Tua ahih ciangin seh sawm suah seh khat a ngah theipa Levi in Abraham tung pan seh sawm suah seh khat a pia hi ci-in gen ding thu a om hi.