Hebru 7:18 - Tedim Bible

¹⁸ Thukham in bangmah kicingsak zo lo ahih ciangin tanglai thukham in thahatna nei lo a, phattuamna pia zo lo ahih ciangin paihkhiatna a ngah zo hi.

Tedim Bible Revision 2017

¹⁸ Ngeina lui pen gina loin, a kimanna om lo ahih manin kinawl khiin hi.

Hebru 7:18 Referans Kwoze

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Sawltak 13:39

Amah a um khempeuh in Moses’ Thukham hangah suakta zo lote zong amah hang inah na suakta thei uh hi.

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Galati 3:17

Ke’n kong cih inah, Pasian in a kipsak kiciamna kum zali leh kum sawmthum khit ciangin a piangkik Thukham in a mawkna a suah nadingin a paaikhia ahi kei hi.

Galati 4:21

Thukham nuai-ah a om nuamte aw, note in Thukham za lo na hi uh hiam, kei kiangah hong gen un.

Galati 3:15

Ute naute aw, leitung mi bangin thu ka geninah, mi ahih hangin kiciamnate a kibawl khit ciangin kuamah in a paaikhia thei kei a, kuamah in behlapin thu a guang thei kei hi.

ROM (Romans) 3:31

Tua ahih leh, upna hangin eite in thukham paaikhia i hi hiam? Tua bang hi lo hi. Thukham i kip sak hi.

Galati 3:21

Tua ahih ciangin Thukham in Pasian’ thukhamnate lang khatah om ahi hiam? Tua bang hi lo hi. Bang hang hiam na cih uh leh, nuntakna a pia thei thukham a om leh, a man takpi tua thu hangin dikna kingah zo hi.