Hebru 7:1 - Tedim Bible

¹ Kumpite a thahna panin a ciahkik Abraham dawn a, thupha a piak khit ciangin,

Tedim Bible Revision 2017

¹ Abraham in a galsimna ah kumpite thatin gualzo-in a hong ciah ciangin A Lianpen Pasianʼ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Hebru 7:1 Referans Kwoze

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Micah 6:6

Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Late 57:2

A Sang Penpa Pasian’ tung, kei’ Pasian’ tung, kei’ adingin ama deihna a tungsak Pasian’ tungah ka ko hi.

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Late 78:35

Amaute in Pasian pen, amau tankhiapa Sangpen Pasian, a suangpi uh ahihna phawk uh hi.

Late 76:2

Salem khua sungah ama omna kibawlin, Zion khua sungah ama teen’na mun kibawl hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Daniel 4:2

Sangpen Pasian in kei tunga lim leh nalamdang a hong lahna thute ka hong gen nuam hi.

Late 78:56

Ahi zongin amaute in Sangpen Pasian ze-etin lehdo uh a, ama teci pan’nate zui loin,

Hebru 7:2

Abraham in a ngah sum khempeuh seh sawm suah seh khat khenin a piak, Salem Kumpipa ahi, Sang Bel Pasian’ Siampi Melkhizedek in, a min bulpi a khiatna pen dikna’ Kumpipa, tua tham loin, nopsakna’ Kumpipa a cihnopna, Salem Kumpipa hi a,

Hebru 7:3

pa om lo, nu om lo, a suan a khak om lo, a nuntakna kipatna ahi zongin, a beina ahi zongin nei loin, Pasian’ Tapa tawh kibangin siampi-in a tawntungin a om hi.

Hebru 7:6

Ahih hangin amau pawl hi lo, tua pa in Abraham’ khut tung pan seh sawm suah seh khat sang a, thuciamna a ngah mi zong thupha a pia hi.