Hebru 6:11 - Tedim Bible

^11-12 Note khempeuh in thadahna nei loin, upna leh thuakna hangin thuciamna a luah ding mite bangin na gamtat zawh nadingun, a tawp dongin upkhialhna nei loin, lametna tawh na dim nadingun, na hahkat nadingun ka deih uh hi.

Tedim Bible Revision 2017

¹¹ Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Hebru 6:11 Referans Kwoze

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Mangmuhna 2:26

Zo-in, keima deihnate a tawp dongin a zui mi, mipawlte tungah ukna aana ka pia ding a,

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

2 THESALONIKA NIHNA 3:13

Ute naute aw, no na hih uh leh, thakiam loin ahoih nate na gamta un.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

1 THESALONIKA MASA 4:10

Tua tham loin, Makedonia gam mun khempeuh ah a om ute naute khempeuh tungah tua bang na hih uh hi. Ahih hangin ute naute aw, note in khangin, na hauh semsem theih nadingun ahi zongin,

1 THESALONIKA MASA 1:5

Bang hang hiam na cih uh leh, kote in note tawh ka omkhawm lai takun, note adingin bang ci mi ka hih uh na theih uh mah bangin, kote’ hilh Lungdamna Thu in note sungah kampau bek hi loin vangliatna tawh ahi zongin, up khialhna om loin lungkim taktakna tawh a dim thu ahi hi.

Filippi 3:15

Tua ahih ciangin a kicing eite khempeuh in tua bangin lungsim nei ciat ni. Note in na khatpeuh peuh ah na lungsim ngaihsutna uh a kibat kei leh, Pasian in tua na a hong lak ding hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

1 KORIN MASA 13:13

Tu-in upna, lawpna, itna hih thute thum a om uh hi. A thumte sungpan itna thu a lianbel hi.

Mattiu 24:13

A bei dongin a kipte in gupna a ngah ding uh hi.

1 JOHAN MASA 3:19

Tua bangin i hih leh, thuman tawh kipawlin i om kithei-in, eima lungsim kimawhsakna bangmah om loin, a mai-ah lungnopna thu i ngah ding hi.

ROM (Romans) 12:8

Hansuah mi in mi hansuah na sem ta hen. Hehpihna a pia mi in lungkimin pia ta hen. A uk mi in hahkatin uk ta hen. Midang a hehpih mi in hehpihna lungsim tawh pia ta hen.

Galati 5:5

Bang hang hiam na cih uh leh, kote in upna tawh dikna ngah ding ci-in lamenin Kha Siangtho tung tawnin ngakin ka om uh hi.

Luka 1:1

A lian mahmah Theofilas aw, a cil panin mittang in a muh teci leh Pasian thuhilh na a sem mite in hong gen uh mah bangin,

Joshua 7:3

Amaute Joshua kiangah hong ciah kikin ama kiangah, “Mi khempeuh kuanto sak kei in la mi tulnih ahi a, tulthum ahi zongin kuanto sak in Ai simsak in; amaute mi tawmno khat ahih manin tua lai-ah mi khempeuh gimto sak kei in,” a ci uh hi.