Hebru 5:7 - Tedim Bible

⁷ Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Tedim Bible Revision 2017

⁷ Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Hebru 5:7 Referans Kwoze

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Mattiu 27:46

Nai thum lai takin Zeisu in, “Eloi, Eloi, lama sabakthani,” ci-in nakpi-in a kiko hi. A khiatna in, “Ka Pasian, ka Pasian aw, bang dingin kei hong paisan na hi hiam?” a cihnopna hi.

Marka 15:34

Nai thum lai takin Zeisu in,”Elio, Elio, Lama Sabakthani,” ci-in nakpi-in a kiko hi. A khiatna in, ‘Ka Pasian, ka Pasian aw, bang dingin kei hong taisan na hi hiam?’ a cihnopna hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Johan 11:35

Zeisu a kap hi.

Mattiu 27:50

Zeisu in khatvei nakpi-in a kiko kik khit ciangin a si hi.

Marka 15:37

Zeisu in khatvei nakpi-in a kiko khit ciangin a si hi.

Late 22:24

Bang hang hiam cih leh amah in a thuak mi’ gimna simmawh lo, kih bawl lo hi; ama kiang panin a mai seel lo a, ama tungah a koh ciangin, amah in za hi.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Luka 23:46

Zeisu in, “Ka Pa aw, ka kha nangma khut tungah ka pia hi,” ci-in nakpi-in a kiko khit ciangin a si hi.

Late 69:1

Pasian aw, hong hon in! Bang hang hiam cih leh tui in ka ngawng ciang hong tum ta hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Isaiah 49:8

Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin amah in annel khut dim khat leh sathau, a paknamtui khempeuh tawh la ding hi; siampipa in hih pen Topa’ adingin a gim namtui, mei tawh biakna, phawkna-in biakna tau tungah hal ding hi.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.

1 JOHAN MASA 4:3

Tua banga Zeisu a mang lo kha khempeuh in Pasian tawh kipawl lo hi. Hih kha in a hong tung ding ci-a na zaksa uh Anti Khazih’ kha ahi hi. Tua kha in leitungah tu nangawnin a om zo hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Late 88:1

Topa, ka Pasian aw, sun-in huhna kong ngen a, zan-in nangma mai-ah kong kiko hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.