Hebru 3:5 - Tedim Bible

⁵ Moses in a nung ciangin a kigen ding nate-ah teci pang dingin nasem hi a, innpi sung khempeuh ah a diktat hi.

Tedim Bible Revision 2017

⁵ Moses pen nasem khat hihna tawh Pasianʼ inn sungah thu khempeuh ah citak a, mailam hunah Pasian in a gen ding thute a gen hi.

Hebru 3:5 Referans Kwoze

Gamlak-vakna 12:7

Ka nasem Moses tawh tua bang hi lo hi; ka inn sung thu khempeuh amah ki-ap hi.

Hebru 3:2

Moses in Pasian’ innpi sung khempeuh ah a diktat mah bangin Zeisu in amah a koihpa mai-ah a diktat hi.

Paikhiatna 14:31

Israelte in Izipt mite' tungah Topa’ bawl nasepna lianpi mu uh a, mite in Topa zahtak uh hi; amaute in Topa leh ama' nasem Moses um uh hi.

Late 105:26

Amah in, ama nasem Moses leh ama teelsa Aaron sawl hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

1 TIMOTI MASA 1:12

Tua thu kei hong keemsak ahih ciangin tha hong dimsak i Topa Khazih Zeisu’ hehpihna ka phat hi.

Joshua 1:2

“Ka nasempa Moses si ta hi; tua ahih ciangin tu-in ding in la, nang leh hih mite khempeuh, hih Jordan kantanin Israel mite tungah ka piak gam sungah pai un.

Thu-hilhkikna 34:5

Tua ahih ciangin Topa thugenna bangin Topa’ nasem Moses pen Moab gamah si a,

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

ROM (Romans) 3:21

Tu-in Thukhamna leh kamsangte in teci a pan’ uh mah bangin, thukham loin Zeisu Khazih sungah thu-um mite khempeuh tungah upna hangin hong tung Pasian’ dikna kilang hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

1 KORIN MASA 4:2

Tua tham loin, sumpi keempa in lungsim dik a nei ding hi.

Sawltak 7:37

‘Pasian in na ute na naute lakah kei tawh kibang kamsangpa khat note ading kong piangsak ding hi,’ ci-in Israel mipawlte a genna mi in tua Moses ahi hi.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Joshua 8:33

Tua ciangin amaute in Israel mite thupha a piak masak theih nadingun Topa nasem Moses in a thupiaksa bangin Israel mite khempeuh peemta hita leh tualsuak hita leh, a upate leh a uliante leh a thukhente uh tawh, Topa thuciamna singkuang a pua Levi siampite mai, thuciamna singkuang langkhat, Gerizim Mual mai lamah mi a lang, Ebal Mual mai lamah mi a lang ding uh hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng na huh ding uh hi; tua ciangin note’ neih leitangah ciah kikin, Topa’ nasem Moses in Jordan gal ni suahna lamah note hong piak leitang na luah ding uh hi,” a ci hi.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Thu-hilhkikna 3:24

‘Topa Pasian aw, na liatna leh na thahatnate na nasempa tungah lah ding a hong kipan pan bek na hi hi; bang hang hiam cih leh vantung hita leh leitung hita leh nangma’ aa bangin tua bang nasep leh a vanglian gamtatna a hih thei bang pasian om ahi hiam?

Nehemiah 9:14

na nasempa Moses tung tawnin amaute tungah na sabbath siangtho na theisak a, thupiaknate, ngeinate, leh thukhamte na pia hi.

Paikhiatna 40:16

Tua mah bangin Moses in hih hi; Topa in amah a thupiaksa khempeuh tawh kituakin amah in hih hi.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Hebru 3:4

Inn khempeuh mi khat peuhmah in a lam hi. Na khempeuh a piangsakpa in Pasian ahi hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!