Hebru 3:18 - Tedim Bible

¹⁸ “Note in keima nopsakna sungah na tum kei ding uh hi,” ci-in ciamsiatna a thuak mite, a thungai lote sim loh, kua mite ahi uh hiam?

Tedim Bible Revision 2017

¹⁸ Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cihnopna ahi hiam? Amah a lehdote a cihna ahi hi.

Hebru 3:18 Referans Kwoze

Hebru 4:6

Tua ahih ciangin mi kimkhat a tum theih ding uh hangin, Lungdamna Thu nidang lai-inah a za mite in a up loh manunah a tum thei kei uh a,

Gamlak-vakna 14:30

Jefunneh’ tapa Kaleb leh Nun’ tapa Joshua sim loh, note teengsak dingin ka kiciamna leitangah khat beek na tung kei ding uh hi.

Gamlak-vakna 20:12

Topa in Moses leh Aaron kiangah, “Israel mite mai-ah kei hong um lo hong siangthosak lo na hih uh ciangin amaute ka piaksa leitangah hih mihonte na tun’pih kei ding uh hi,” a ci hi.

Hebru 4:2

Bang hang hiam na cih uh leh, eite in Lungdamna Thu tuate mah bangin i za zo hi. Ahih hangin amau a zak uh thu in a za mite lakah upna tawh a kigawm lo ahih ciangin, phattuamna a om kei hi.

Hebru 3:11

Tua ahih ciangin amaute in Keima nopsakna sungah a tum thei ngei kei ding uh hi, ci-in hehin ka kiciam hi,” ci-in a gen mah bangin,

Thu-hilhkikna 9:23

Topa in Kadesh-barnea panin note hong sawlin, ‘Paito un la, note kong piaksa leitang luah un,’ hong cih lai-in Topa na Pasian uh hong thupiakna lehdo-in, amah um loin, ama aw na ngai kei uh hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Gamlak-vakna 14:23

amau’ pate tungah piak dinga ka kiciam leitang a mu kuamah om lo ding uh hi; kei hong simmawh mi kuamah in tua leitang mu lo ding hi.

Gamlak-vakna 14:37

a gam thu a sia lam a, a gen tua mite, Topa’ mai-ah gimna in si sak hi.

Late 78:22

Bang hang hiam cih leh amaute in Pasian um lo uh a, ama hotkhiat vangliatna muang lo uh hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

ROM (Romans) 11:30

Note in nidang lai-inah Pasian’ thu na man’loh uh hangin, tu-in amau thuman’lohna hangin hehpihna na ngah uh mah bangin,

Hebru 4:11

Tua ahih ciangin Israel mite in thu ngaih lohna lungsim a neih uh ciangin, a kipuk uh bangin, kuamah kipuk loin tua nopsakna sunga tum nadingin hahkat ciat ni.