Hebru 2:18 - Tedim Bible

¹⁸ Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Tedim Bible Revision 2017

¹⁸ Ama pumpi mahmah in ze-etna le gimna thuak ahih manin tu hun ciangin tua bang a thuakte a hong huh thei hi.

Hebru 2:18 Referans Kwoze

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Hebru 5:2

Amah in thanem ahih ciangin a pil lo mite, a mawh mite a thuakpih dingin a siam hi.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Johan 10:29

Amaute hong pia ka Pa in na khempeuh sangin lianzaw ahih ciangin, ka Pa’ khut pan kuamah in a sut zo kei ding hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

Luka 22:28

Gimna ka thuak lai takin, note in kei tawh hong omkhawm mi na hi uh hi.