Hebru 13:8 - Tedim Bible

⁸ Zeisu Khazih in zanni, tuni, atawntungin kikheel loin a om hi.

Tedim Bible Revision 2017

⁸ Jesu Khris pen zani, tu ni, a tawntungin kibang ngitnget hi.

Hebru 13:8 Referans Kwoze

Malakhi 3:6

Keimah in Topa ka hi a, lungsim a kheel lo mi ka hi hi. No Jakob’ suan-le-khakte aw, a sia cimit na hi nai kei uh hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Hebru 1:12

Amaute puan bangin na zial ding hi, Amaute puan bangin a kikheel ding uh hi. Nang na hih leh, na kikheel ngei kei ding hi, Na nuntakna a bei ngei kei ding hi,” a ci hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Late 90:4

Bang hang hiam cih leh nangma muhna-ah kum tulkhat sung pen a bei ciangin zanni ahi a, zan-a khan’lawh khat sung tawh ahi zongin, kibang bek hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Piancilna 21:33

Abraham in Be-ersheba-ah makeng kung khat suan a, tua lai munah Tawntung Pasian, Topa’ tungah thungen hi.

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

2 KORIN NIHNA 1:20

Thuciamnate in bang zahin a tam hangin Pasian’ minthan’na kilatsak nadingin, “Ahi hi,” cih ding ahi zongin, kote hangin, “Amen,” cih ding ahi zongin ahi hi.