Hebru 13:7 - Tedim Bible

⁷ Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Tedim Bible Revision 2017

⁷ Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Hebru 13:7 Referans Kwoze

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Filippi 3:17

Ute naute aw, kei’ gamtat mah bangin a kituakin na gamta un. Note lakah ka hong piak uh lim tawh kituakin a gamta mite zong na ciamteh un.

1 THESALONIKA MASA 1:6

Note in gimna lian na thuak uh hangin Kha Siangtho tawh akipawl lungdamna tawh, Pasian thu sangin kote tawh Topa ngeina bangin a gamta mite na hi uh hi.

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

1 TIMOTI MASA 3:5

Bang hang hiam cih leh, mi khat in a inn a uk zawh kei leh, Pasian’ pawlpi a bangci kep theih ding hiam?

Hebru 13:24

Note hong uk mite khempeuh leh misiangthote khempeuh na hopih un. Itali mite in note hong hopih uh hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

1 KORIN MASA 4:16

Tua ahih ciangin kei’ gamtat bang na gamtat nadingun kong thuum hi.

ROM (Romans) 10:17

Tua ahih ciangin upna in thu zakna hangin a piang hi. Zakna in zong Khazih’ thu hangin a piang hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Solomon la 1:8

Nungak khempeuh lak-a a ngaih baang pen nungak aw, a mun thei lo na hi hiam? Tuuhonte zui-in na keelte hong khah in la, tuucingpa’ puanbuk gei-ah hong cing in.

Mangmuhna 6:9

Tuuno in ngana ciamtehna a hon’ ciangin Pasian’ thu hang ahi zongin, a san’ uh teci pan’na hang ahi zongin, thahna a thuak mite’ khate biakna tau nuai-ah ka mu hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

2 THESALONIKA NIHNA 3:9

Tua bang ka bawl uh ciangin a ngah ding, a la dingin kilawm ka kisak lohna hang uh hi loin, note zuih dingin komau pumpi in limpha ka suah nadingun ka bawl uh hi.

1 KORIN MASA 11:1

Kei in Khazih bangin ka gamtat mah bangin note zong kei gamtat bangin na gamta un.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Luka 8:11

“Thugentehna in hih bang ahi hi; Khaici in Pasian’ thu ahi hi.

2 THESALONIKA NIHNA 3:7

Bang hang hiam na cih uh leh, kote hong piak lim zui-in note na gamtat nading uh a kilawm hi ci-in na thei uh hi. Bang hang hiam na cih uh leh, kote in note lakah thadah zulhtatin ka gamta kei uh hi.

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Luka 5:1

Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.