Hebru 13:4 - Tedim Bible

⁴ Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Tedim Bible Revision 2017

⁴ Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

Hebru 13:4 Referans Kwoze

Piancilna 2:24

Tua ahih ciangin mipa in a nu leh a pa nusia-in a zi beel a, amaute in sakhat suak uh hi.

Galati 5:19

Si-le-sa’ gamtatnate a kilang zo hi. Tua gamtatnate in: numei tawh mawhna, kihhuai gamtatna, lunggulh luat khialhna,

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

1 KORIN MASA 5:13

A pua lamah a omte Pasian in thu a khen ding hi. Tua a gilopa note lak pan na hawlkhia un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

1 TIMOTI MASA 3:12

Upate in zi khat bek nei-in, amau’ tate leh a inn uh a pha takpi-in uk ta uh hen.

1 TIMOTI MASA 3:4

Amah in ama inn pha takpi-in uk zoin a tate, na khempeuhah khuaval loin, a uk thei mi ahi ding hi.

1 KORIN MASA 7:38

Tua ahih ciangin a tanu a kiteengsak mi in a hoih a gamta hi. A kiteengsak lo mi in a hoihzaw a gamta hi.

Piancilna 2:21

Tua ahih ciangin Topa Pasian in mipa ihmut suak mahmah sak a, ama' ihmut kalin a nakguhte khat la-in tua mun pen satak tawh dimsak hi;

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Titu 1:6

Upate in mawhsak nading tawh a kipelh mi, zi khat bek a nei mi, a tate zong thu-um mi hi-in, leitung nopsakna-ah uang lua hi ci-in mawhsakna a nei lo, thumang lo mi hi lo ding uh hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

1 KORIN MASA 9:5

Kefas leh Topa’ sanggamte akipan adang sawltakte bangin thu-um zite ka tonpih kawikawi nading uh thu nei lo ka hi uh hiam?

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

Isaiah 8:3

Tua ciangin kamsangnu tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalalhasbaz, ci-in phuak in:

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan, leh Asa-iahte, puan a kem, Harhas tapa Tikvah, a tapa Shallum’ zi kamsangnu Huldah kiangah pai uh hi (tu-in tua nu in Jerusalem khua sung a Veng Nihna ah teng hi); tua ciangin tua nu tawh amaute kiho uh hi.

Hebru 12:16

numei gilo tawh a mawhte a om loh nading ahi zongin, khatvei neek bek tawh ama ta upa-za a zuak Esau bangin Pasian’ thu a simmawh mi a om loh nadingin kikemin kidawm un.

Siampi Laibu 18:20

Nangmah in na vengpa’ zi tawh na lumkhawm kei ding a, tua nu tawh na kininsak kei ding hi.

Thu-hilhkikna 22:22

“Mi khat, midang khat’ zi tawh a lumkhawm a kimuh leh, numei tawh a lumpa leh a numei, a nih tuakun kithat ding hi; tua bangin Israel sung panin siatna na siangsak ding uh hi.

1 KORIN MASA 6:18

Numei tawh mawhna pan taikhia un. Mi in ahih theih khialhna a vekpi-in pumpi pua lamah om hi. Numei tawh a khial mi in ahih leh, ama pum tungah a khial hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Siampi Laibu 15:18

Pasal khat in numei khat tawh a lupkhawm khit ciangin, amaute gel tui sungah kisil ding uh a, a nitak mateng a nin hi ding uh hi.

JOB (Job) 31:12

Ka neih khempeuh a kangtum mei husia tawh a kibang ahi hi.)