Hebru 13:22 - Tedim Bible

²² Ute naute aw, keimah in a tomin gelhin hong zasak ka hih ciangin hansuahna kam na thuak siam un ci-in keimah in note kong thuum hi.

Tedim Bible Revision 2017

²² Sanggamte aw, hih ka hong laigelh pen sau khol lo ahih manin hih ka hong hanthotna thute limtakin na ngaih nadingun kong thum hi.

Hebru 13:22 Referans Kwoze

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Galati 6:11

Bang zah a lian laimalte tawh ka khutin ka gelh, na en un.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

2 KORIN NIHNA 5:20

Tua ahih ciangin kote in Khazih tang ding sawltak ka hi uh hi. Note in Pasian tawh na kilem un ci-in Pasian in kote tungah hong hansuah mah bangin kote in zong Khazih tang ding kong thuum uh hi.

Hebru 4:11

Tua ahih ciangin Israel mite in thu ngaih lohna lungsim a neih uh ciangin, a kipuk uh bangin, kuamah kipuk loin tua nopsakna sunga tum nadingin hahkat ciat ni.

Hebru 4:1

Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

Sawltak 13:15

Thukhamna Lai leh Pasian’ kamsangte’ lai a sim khit ciangin kikhopna inn ukpa in amaute kiangah paisakin, “Ute naute aw, mite thu hilh ding na neih uh leh, thu hong gen un,” a ci hi.

Efesa 3:3

nidang lai-inah thu tawm ka gelh mah bangin, Pasian’ thupiak kholhna hangin thuthuk hong kilang sak hi.

Hebru 12:5

Tua tham loin: “Ka tapa aw, Topa’ thuhilhna ciamteh loin om kei in, na mawhna hong teldot ciangin lungkia kei in.

Hebru 13:19

Keimah in note kiangah a manlang zaw-a kong paikik theih nadingin, kote ading thu hong ngetsak un ci-in kong hansuah hi.