Hebru 13:18 - Tedim Bible

¹⁸ Kote ading thu hong ngetsak un. Bang hang na cih uh leh, kote in komau pumpi theihna lungsim a pha nei-in, na khempeuh ah a hoihin gamtat nadingin a deih mi ka hi uh hi ci-in ka lungkim uh hi.

Tedim Bible Revision 2017

¹⁸ Kote adingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uh ah kisuanna om loin siang mahmah hi.

Hebru 13:18 Referans Kwoze

1 THESALONIKA MASA 5:25

Ute naute aw, kote ading thu hong ngetsak un.

2 THESALONIKA NIHNA 3:1

A khak bel thu in ute naute aw, Topa thu in note kiangah a piang mah bangin kizeelin, vangliatna a ngah nading leh,

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

ROM (Romans) 15:30

Ute naute aw, keimah in Judah gamah a om thu nialte’ khut tung pan ka suahtak nading ahi zongin, Jerusalem khuapi-ah keimah in an vaakna ka sep ding misiangthote in a deih nadingun ahi zongin, Pasian’ deihna bangin lungdamna tawh note omna-ah kong tung ding a, note tawh noptuamna ka ngah khawm nadingin ahi zongin, note in keimah tawh hahkatin keimah ading Pasian kiangah thu na ngetsak ta un, ci-in i Topa Zeisu Khazih leh Kha Siangtho-a itna tawh note kong thuum hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

Sawltak 24:16

Tua ahih ciangin Pasian tungah ahi zongin, mite tungah ahi zongin, ka lungsim sungah kimawhsakna a om lohna dingin, a tawntungin ka hahkat hi.

Sawltak 23:1

Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Filippi 4:8

A khak bel thu in: ute naute aw, thuman thu tawh kipawl nate, zahtakhuai nate, adik nate, a siangtho nate, deihhuai nate, phathuai nate khempeuh ahi zongin, tatna pha khatpeuh peuh, thu phatna khatpeuh peuh tawh a kipawl nate ahi zongin na lungsim sung uhah na ngaihsun un.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

ROM (Romans) 12:17

Midangte in note hong bawlsiat bangin na thuk kei un. Mi khempeuh mai-ah a kilawm gamtatna na hanciam un.