Hebru 13:14 - Tedim Bible

¹⁴ Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Tedim Bible Revision 2017

¹⁴ Eite adingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 13:14 Referans Kwoze

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Efesa 2:19

Tua ahih ciangin note in tu-a kipanin mi pawl dangte ahi zongin, khual mite ahi zongin, na hi nawn kei uh a, Pasian’ mite tawh gammi khat na hi uh hi; Pasian’ innkuanpihte zong na hi uh hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

1 KORIN MASA 7:29

Ute naute aw, ke’n kong cih-inah, a hun a tom ahih ciangin zi neite in a nei lo mah bang ding uh hi,

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Hebru 4:9

Tua ahih ciangin Pasian’ mite ading Nipi ni nopsakna a om lai hi.

Hebru 2:5

Eite in i hilh a nung ciangin a piang ding leitung in vantungmite nuai-ah a koih kei hi.

Hebru 9:11

Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Hebru 12:27

“Khatvei,” a cihna kam a khiatna in, a liing lo nate a kip nadingin a liing nate, a pian’sak nate a paaikhia ding hi a cihnopna hi.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.