Hebru 13:13 - Tedim Bible

¹³ Tua ahih ciangin eite in Topa tawh kosiatna thuakin giahbuk pualam ama kiangah nai ni.

Tedim Bible Revision 2017

¹³ Tua ahih manin eite zong a pua lamah pai-in Jesu tawh maizumna thuak khawm ni.

Hebru 13:13 Referans Kwoze

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

Mattiu 5:11

Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

Hebru 12:3

Thakiamna lungkiatna a om loh nadingin mawhna a nei mite kiangah tua zah khamna a thuak Topa ngaihsun un.

1 PETER MASA 4:4

Tua hihnate-ah note in amaute tawh kipawlin noptatna-ah kihhuaina na bawl lohna uh amaute in lamdangsa-in hong ko thei uh hi.

Mattiu 27:32

A paikhiat lai takun a min Simon kici, Sairin mi khat mu uh a, zawhthawh bawlin Zeisu singlamteh pua dingin a zuisak uh hi.

Luka 9:23

Mi khempeuh kiangah Zeisu in, “Mi khatpeuh in kei hong zuih nop leh, a pumpi nial a, ama singlamteh ni simin pua-in hong zui ta hen.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.