Hebru 12:25 - Tedim Bible

²⁵ Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Tedim Bible Revision 2017

²⁵ Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 12:25 Referans Kwoze

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Paunak 13:18

Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.

Thu-hilhkikna 30:17

Ahih hangin na lungsim uh kihei-in, note in zui loin, pasian dangte bia ding leh a na sem dingin note hong kikaihkhiat leh,

Paikhiatna 20:22

Topa in Moses' kiangah, “Nangmah in Israel mite' tungah hih bangin na gen ding hi: ‘Vantung panin note kong hopihna note mahmah in na thei khin uh hi.

Mattiu 8:4

Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Paunak 8:33

Hong kihilhnate zui-in pilna ngah un la, thudon loin mawk om kei un.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Paunak 1:24

Keimah in note hong sam napi-in nong ngai nuam kei uh a, ka khut hong vaan napi-in kuamah in nong thudon kei uh a,

2 KHANG TANGTHU NIHNATE 7:19

“Ahih hangin note kihei-in, na mai uhah ka koihsa ka thukhamte leh ka thupiaknate nusia a, pai-in pasian dangte’ na semin tuate na biak uh leh,

1 KUMPI MASATE 12:16

Kumpipa in amau’ thu a ngaih lohna Israelte khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israelte aw, na inn ciat uhah ciah un. Rehoboam in ama ading vaihawm tawm hen,” a ci uh hi. Tua ahih ciangin Israelte a inn ciat uhah kihem uh hi.

Joshua 22:16

“Topa’ mihon buppi in, ‘Topa lehdona-in tu ni-in note adingin biakna tau khat lamna tawh Topa zuihna panin tu ni-in kihei-in Israel Pasian tungah na gamtatnasa uh ahi hih khemna in bang ahi hiam?

Gamlak-vakna 32:15

Bang hang hiam cih leh amah zuihna panin note na pial uh leh amah in gam lakah amaute nusia kik ding hi; note pen hih mi khempeuh a susia na hi ding uh hi,” a ci hi.

Paikhiatna 16:29

Thei in! Topa in nang' tungah sabbath hong pia zo hi, tua ahih ciangin a ni guk ni-in amah in nang' tungah ni nih ading an hong pia hi; note na milip-un nomau' omna ciatah om un, a ni sagih ni-in ama' omna panin kuamah paikhia kei hen,” a ci hi.

2 TIMOTI NIHNA 4:4

thuman thutak ngai loin, tangthu ngai-in a paikhiat hun uh a tung ding hi.

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Sawltak 7:35

“A kua in nang uk ding leh thu hong khen dingin hong koih ahi hiam?’ ci-a nialna a thuak hih Moses in a uk ding, a gum dingin Pasian in sawlkawm sungah a kilang vantungmi’ sawlna tawh a paisak hi.

Ezekiel 5:6

Ahi zongin Jerusalem in ka thupiakna lehdo-in, minam dangte sangin a gilo zaw hong suak a, a kiim-a om gamdangte sangin a thumang lo zaw hong suak hi. Jerusalem in ka thupiakte nialin ka thukhamte zui nuam lo hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Isaiah 64:9

Topa aw, nakpi takin sinso kei in la, mawhna ciamtehteh kei in. En in, kote khempeuh nangma mi ka hihna uh hong ngaihsun in.

Isaiah 48:6

“Ka gensa thu khempeuh hong tung ta a, Ka gennate man hi, na cih ding uh hi ta hi. Tu-a kipanin, na a thakte, na theih ngei loh uh hong tung ding a ki-im nate, kong gen ding hi.

Paunak 15:32

Kithuhilh ding a ut lote amahmah a kisusia hi a, kithuhilh ding a utte pil semsem hi.

Hebru 3:17

Kum sawmli tawntung a deih lo mite in kuate ahi uh hiam? Mawhna khialhna bawlin gam lakah pukin a si mite hilo ahi uh hiam?

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mangmuhna 22:9

vantungmi in, “Kei hong bia kei in! Kei in nanga kipan na u na nau na sanggam kamsangte tawh ahi zongin, hih laibu-ah a om thute a zui mite tawh ahi zongin a sila ka hi khawm hi. Pasian bia in,” hong ci hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Thu-hilhkikna 4:36

Amah in note hong khal theih nadingin vantung panin ama aw note hong za sak hi; a mei lianpi note leitungah hong mu sak a, mei sung panin ama kam na za uh hi.

Thu-hilhkikna 18:19

Amah in keima min tawh a gen ka thute a don lo mi peuhmahte keimahmah in ka thuk ding hi.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Joshua 22:15

Tua ciangin Gilead gam sunga om Reuben mite, Gad mite leh Manasseh minam a langte kiangah amaute pai uh a, amaute kiangah,