Hebru 12:21 - Tedim Bible

²¹ Tua bang a kilatna in kihtakhuai mahmah ahih ciangin Moses in, “Keimah in kihta-in ka liing hi,” a ci hi.

Tedim Bible Revision 2017

²¹ Tua pen nak lauhuai mahmah ahih manin Moses in zong, “Lau-in ka liing hi,” a na ci hi.

Hebru 12:21 Referans Kwoze

Paikhiatna 19:16

A ni thum ni zingsang ciangin vangingte leh khuaphialepte omin, mual tungah meii sahpi om a, nakpi takin a ging peengkul kitum ahih manin giahphual-a om mi khempeuh liing uh hi.

Thu-hilhkikna 9:19

Bang hang hiam cih leh note tungah Topa’ hehna leh a lungkim het lohna, note susia dingin a kithawina hangin ka lau hi. Ahih hangin tua hunin zong Topa in kei’ thu hong ngai hi.

Paikhiatna 19:19

Peengkul aw a nak gin’ semsem laitakin Moses pau a, Pasian in vanging sungah amah dawng hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Daniel 10:17

A Topa mai a ding sila khat tawh ka kibang hi. Bang ci banga thu hong gen thei ding ka hi hiam? Husan’ zawh nading thatang nangawn ka nei kei hi,” ka ci hi.

Daniel 10:8

Kei guak bek hong kinusia ahih manin tua a lamdang mangmuhna keimah guak bek mah in ka mu hi. Ka tha neih teng bei khin a, ka mel kikhel gawp ahih manin ka cimawh hi.

Hebru 10:27

daantatna thuak ding cih kihtakhuai a piang ding thu leh thu nial mite a siasak ding hehna meikuang bek a om lai hi.