Hebru 11:9 - Tedim Bible

⁹ Ama theih lohna gamah zinte bangin om a, thuciamna tawh a kipawl gamah upna tawh zin mi-in a om hi. Tua a thuciamna a luahpih Isaak leh Jakob tawh bukte sungah teengkhawm uh hi.

Tedim Bible Revision 2017

⁹ Pasian in piak dingin a ciam gamah a upna hang mah tawh gam dangpi hi napi-in peemta-in va om phot a, ama ngah bangin thuciamna a ngah a ta Isaac le a tu Jakob tawh puanbuk peuh ah a om phot uh hi.

Hebru 11:9 Referans Kwoze

Piancilna 12:8

Tua ciangin Beth-el panin nisuahna lam mual-ah amah kin kikin, a puanbuk lam a, nitumna lamah Beth-el, nisuahna lamah Ai om hi; tua lai munah zong amah in Topa’ adingin biaknatau khat bawl a, Topa’ tungah thungen hi.

Piancilna 13:18

Tua ahih ciangin Abram in a puanbuk khinin, Hebron gamsung, Mamre tawsawte’ gei-ah hong pai-in teng hi; tua lai munah Topa adingin biakna tau khat a bawl hi.

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Piancilna 18:9

Amaute in ama' kiangah, “Na zi Sarah koi-ah om ahi hiam?” ci uh hi. Amah in, “Puanbuk sungah om hi,” ci hi.

Piancilna 13:3

Amah Negeb gam pan kipanin Beth-el ciang dong, a kipat cil-a ama’ puanbuk a omna-sa mun Beth-el leh Ai kikal,

Piancilna 35:27

Abraham leh Isaak tawl khat a omna Mamre ahih kei leh Kiriatharba (Hebron) a, a pa Isaak a omna-ah Jakob hong pai hi.

Piancilna 28:4

Pasian in Abraham’ tunga a piak, tawl khat sung na omna leitang na neih theih nadingin nang leh na suan-le-khakte' tungah amah in Abraham’ thupha hong pia ta hen!” ci hi.

Piancilna 25:27

Tua naupangte a khan’ ciangin, Esau in gamsung mi sabet siam khat hi a, Jakob in puanbuk sunga a teng a cingkam khat ahi hi.

Piancilna 23:4

“Keimah in note’ lakah khual mi hi-in peemta ka hi hi; ka zi ka vui theih nadingin note’ lakah vuina ding mun leitang hong pia un,” ci hi.

Piancilna 18:6

Puanbuk sunga Sarah’ kiangah Abraham pai mengmeng a, “Annel hoihte lawh thum hong bawl mengmeng in la, meek manin mohin hong bawl in,” ci hi.

Piancilna 17:8

Nangma' tung leh nang’ khit cianga na suan-le-khakte’ tungah tawlkhat na omna Kanaan leitang khempeuh na neih tawntung dingun kong pia ding hi; keimah in amaute’ Pasian ka hi ding hi,” ci hi.

Piancilna 36:7

Bang hang hiam cih leh ten’ khop theih dingin amau’ neihsate tam lua hi; a ganhingte uh hangin tawl khat a omna uh leitang in amaute vaak zo lo hi.

Piancilna 47:9

Jakob in Faro' kiangah, “Tawl khat ka khualzin hun in kum za leh kum sawmthum ahi hi; ka nuntak hun tomin siatna bek om a, ka pate tawl khat a om sung uh a nuntakna hunte ban nai lo hi,” ci hi.

Late 105:12

Amaute tawm mahmah-in, bangmah gentham lo uh a, khualmi hi-in,

Jeremiah 35:7

Inn na lam kei ding uh a, khaici na tuh kei ding uh hi. Singno na suan kei ding uh a, leenggah lo na bawl kei ding uh hi. Ahih hangin na teen’ pakna uh gam sungah sau veipi na teen’ theih nadingun na nuntak hun sung teng uh puanbuk sungah na teeng ding uh hi,’ hong ci hi.

Piancilna 21:34

Filistia mite’ leitangah Abraham, sau veipi sung peemta-in om hi.

Piancilna 31:25

Tua ciangin Laban in Jakob pha hi. Tu-in Jakob in Gilead mualtung gamah a puanbuk lam a, Laban leh a behte in Gilead gam mual tungah phual sat uh hi,