Hebru 11:38 - Tedim Bible

³⁸ Hih leitung in tua mite tawh kilawm lo hi. Amaute in gamlak, mual kuam, leihawm, ken hawm sungah a lal kawikawi, a vak kawikawi uh hi.

Tedim Bible Revision 2017

³⁸ Amaute adingin leitung mite kilawm zo lo uh ahih manin galtai bangin gamlak le mual tung khawngah vak kawikawi-in, leihawm suanghawm sung peuh ah a om uh hi.

Hebru 11:38 Referans Kwoze

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 KUMPI MASATE 19:9

Tua ciangin leihawm khatah amah tungin tua lai-ah giak hi; en in Topa’ thu ama tungah hong tung a, amah in ama kiangah, “Elijah, hih lai-ah bang hih na hi hiam?” a ci hi.

1 SAMUEL MASA 22:1

David tua lai panin kihemkhia-in Adullam leihawm-ah tai hi; a sanggamte leh a pa’ innkuante khempeuh in a zak uh ciangin ama kiang tua lai mun-ah paisuk uh hi.

Isaiah 57:1

Thuman mipa si a, kuamah in a lungsim sungah tua thu ngaihsutin nei lo hi, kuamah in a theih loh kalin thuman mite si uh hi. Bang hang hiam cih leh tuahsiatna panin thuman mipa kilakhia a;

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 KUMPI MASATE 17:3

“Hih lai panin kihemin nisuahna lamah kihei in la, Jordan nisuahna lam ahi Kherith lui-ah bu in.

1 SAMUEL MASA 26:1

Tua ciangin Saul kiang Gibeah ah Zif mite hong pai uh a, “Jeshimon nisuahna lam Hakhilah mual tungah David bu hilo ahi hiam?” a ci uh hi.

1 SAMUEL MASA 23:23

Tua ahih ciangin amah a bukna mun ahi a kiselsimna mun khempeuh hong ciamteh un la, thu a kitel tak tawh kei kiangah hong paikik un. Tua ciangin note tawh kei kong pai ding hi; gam sungah amah a om lai nak leh, Judah gam sung khempeuh zon’ ding ahi zongin a tul lak panin amah ka zongkhia teitei ding hi,” a ci hi.

1 SAMUEL MASA 23:19

Tua ciangin Saul kiang Gibeah ah Zif mite paito uh a, “Jeshimon leitaw lam, Hakhilah mual tung, Horesh-a munmuanhuai sung kote lakah David bu hilo ahi hiam?

1 SAMUEL MASA 23:15

Amah a that dingin Saul kuankhia khin ahih manin David lau hi, Zif gamlak Horesh munah David om hi.

Thukhente 6:2

Israelte tungah Midiante gualzo hi; Midiante hangin Israel mite in amau adingin mual tungah a om bukna munte, leh leihawmte leh mun muanhuaite bawl uh hi.

Jeremiah 41:9

Ishmael in a thah sa misi luang khempeuh a paihna tuikhuk pen a gol khat hi a, kumpipa Asa in Israel kumpipa Baasha a gal nan’ nading a, a bawl ahi hi. Nethanniah’ tapa Ishamael in a thah sa mi si luangte tawh tua tuikhuk a dimsak hi.