Hebru 11:32 - Tedim Bible

³² Tua longal bang ci gen lai ding a om hiam? Gideon, Barak, Samson, Jefthah, David, Samuel akipan kamsangte thu teng gen nading hun kicing zo lo hi.

Tedim Bible Revision 2017

³² Tu-a bangin gengen lai ding ihi hiam? Gideon, Barak, Samson, Jefthah, David, Samuel le kamsangteʼ thu i gen nading hun om lo hi.

Hebru 11:32 Referans Kwoze

1 SAMUEL MASA 16:1

Topa in Samuel kiangah, “Israelte tungah kumpi hihna panin amah ka nolh khitna mu napi-in Saul’ hangin bang tan vei dah ding na hi hiam? Na sathau biing-ah sathau thun in la, pai in; Bethlehem mi Jessi kiangah kong sawl ding hi; bang hang hiam cih leh ama tapate lak panin keima ading kumpi khat ka la khin hi,” a ci hi.

1 SAMUEL MASA 1:20

a hun ciangin Hannah gai-in tapa khat nei a, a min Samuel phuak hi; bang hang hiam cih leh amah in, “Topa tung panin amah ka nget ahi hi,” a ci hi.

1 SAMUEL MASA 16:13

Tua ciangin Samuel in a sathau biing sunga sathau la-in a sanggamte laizangah amah sathau nilh hi. Tua ni a kipanin Topa’ Kha khauh takin David tungah hong tung hi. Tua ciangin Samuel ding-in Ramah ah ciah hi.

Johan 21:25

Zeisu’ hihna thu adang tampi a om lai hi. Tua ahih nate khempeuh gelh khin lehang a kigelhna laibu leitungah ta zo lo ding hi ci-in ka um hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

ROM (Romans) 7:7

Tua bang ahih leh, bang i ci gen ding hiam? Thukham in mawhna ahi i ci ding hiam? Tua bang hi zenzen lo hi. Ahi zongin thukham bek hangin mawhna lungsim ka thei hi. Bang hang hiam na cih uh leh, “Huaihamna lungsim nei kei in,” ci-in Thukham in na ci kei leh, huaihamna lungsim ke’n ka thei kei ding hi.

ROM (Romans) 4:1

I pu Abraham in mi lamsang ah bang phattuamna a ngah i ci ding hiam?

ROM (Romans) 3:5

Ahih hangin eite diklohna in Pasian’ dikna a kilatsak leh, bang thu gen ding a om hiam? Daan hong pia Pasian in ahi lopi-in bawl ahi hiam ci-in leitung ngeina bangin ka gen hi.

Sawltak 13:20

Tua nung ciangin kamsangpa Samuel dongin thukhen mangte a pia hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Sawltak 3:24

Samuel pan akipan Pasian’ kamsangte khempeuh leh a nung cianga hong piangte in a gen khempeuhte in, hih nite thu a genkhol zo uh hi.

1 SAMUEL MASA 12:11

Tua ciangin Topa in Jerubbaal leh Barak, leh Jefthah, leh Samuel hong sawl a, na kiim khempeuh uh-a na galte uh khut sung panin note hong honkhia hi; note lungmuang takin na om uh hi.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

Jeim 5:10

Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.

ROM (Romans) 6:1

Tua ahih ciangin bang i ci gen ding hiam? Hehpihna a khan’ theih nadingin mawhna hihin i om ding hiam? Tua bang hi zenzen lo ding hi!

Luka 16:31

Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Luka 13:28

Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Late 99:6

Moses leh Aaronte in ama siampi hi uh a, amah a biate lakah Samuel zong kihel hi. Topa tungah amaute kiko uh a, amah in amaute a dawng hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

1 SAMUEL MASA 2:11

Tua ciangin Ramah-a ama inn-ah Elkanah ciah hi. Naupang in siampi Eli omna-ah Topa’ na sem hi.

Thukhente 13:24

Tua numei in tapa khat nei-in a min Samson phuak hi; naupang khang a, Topa in amah thupha pia hi.

Thukhente 6:11

Tu-in a tapa Gideon in Midian mite muh loh dingin leenggah sukna-ah mangbuh satin a om lai takin, Ofrah-ah Abiezer mi Joash neihsa tawsaw nuai-ah Topa’ vantungmi hong pai-in hong tu hi.

Thukhente 4:1

Ehud a sih khit ciangin Israel mite in Topa’ muhna-ah a sia gamta kik uh hi.

Thukhente 6:1

Israel mite Topa muhna-ah a sia gamta uh hi; Topa in Midiante’ khut sungah amaute kum sagih sung pia hi.

Thukhente 6:14

Tua ciangin ama lamah Topa kihei-in, “Hih nangma vangliatna tawh pai in la, Midiante khut sung panin Israelte honkhia in; nangmah hong sawl hilo ka hi hiam?” a ci hi.

Thukhente 15:20

Amah in Filistia mite’ hun sung Israelte kum sawmnih sung thukhen hi.

1 SAMUEL MASA 2:4

A thahatte’ thalte kitan a, ahih hangin a thanemte in thahatna ngah hi.

1 SAMUEL MASA 17:45

Tua ciangin David in Filistiapa kiangah, “Namsau leh teipi leh teikhawh tawh kei kiangah nang nong kuan hi; ahih hangin kei in Israel galkapte’ Pasian, mihonte’ Topa, nangmah in na to mipa’ min tawh nang kiangah kong kuan hi.