Hebru 11:29 - Tedim Bible

²⁹ Israel mite in upna tawh San Tuipi laizangah lei keu tung tawn bangin a pai uh hi. Tua mite bangin Izipt mite in ahih sawm uh a, tui sungah a tummang uh hi.

Tedim Bible Revision 2017

²⁹ Lei keu tunga pai bang keekin Israel mite in San Tuipi a kantan theihna uh zong a upna hang mah uh ahi hi. Amauteʼ pai bangin Egypt mite in pai ding a sawm uh ciangin tui in a tuumcip hi.

Hebru 11:29 Referans Kwoze

Paikhiatna 14:13

Moses in mite' tungah, “Kihta kei un, kip takin ding un, amah in note adingin tu ni-a hong sep ding Topa’ hotkhiatna mu un; bang hang hiam cih leh tu ni-a na muh uh Izipt mite, note in na mukik nawn kei ding uh hi.

Late 78:13

Amah in tuipi khenkhia-in amaute kantansak a, tuite a lompi-in omsak hi.

Joshua 2:10

Bang hang hiam cih leh Izipt panin nong paikhiat lai-un Topa in note mai-ah San Tuipi tui a kan’sakna, leh Jordan gal khata om na suksiat mang uh Amor mite’ kumpi nihte ahi Sihon leh Og tungah na bawlna uh ka za khin uh hi.

Late 66:6

Amah in tuipi pen leikeu suaksak a, i pu i pate in khe tawh tuipi kantan uh hi. Tua ama sepna hangin i lung a dam hi.

Nehemiah 9:11

Amaute’ mai-ah tuipi phelkham na hih manin tuipi laizang leikeu tungah amaute paisuak uh a, ahi zongin tuilianpi sunga suang lot bangin tui thukna sungah amau a delhte na lawn hi.

Paikhiatna 14:22

Israel mite tuipi laizang leikeu tungah pai uh a, amau' taklam leh veilam-ah kawm bangin tuite om hi.

Paikhiatna 14:27

Tua ahih ciangin Moses in tuipi tungah a khut zan a, a zingsang khuavak ciangin a luan’ ngei bangin tuipi luangkik hi; tua sungah Izipt mite tai uh a, Topa in tuipi laizangah Izipt mite tui tumsak hi.