Hebru 10:39 - Tedim Bible

³⁹ Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Tedim Bible Revision 2017

³⁹ Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 10:39 Referans Kwoze

1 JOHAN MASA 5:5

Zeisu in Pasian’ Tapa ahi ci-in a um mi sim loh, leitung a zo kua mi ahi hiam?

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

1 JOHAN MASA 5:16

Mi khatpeuh in a sanggampa in sihna thuak ding a kilawm lo mawhna a bawl a muh leh, thungen ta hen. Sihna a thuak ding a kilawm lo mawhna a bawl mite ading Pasian in nuntakna a pia ding hi. Sihna thuak ding a kilawm mawhna a om hi. Tua bang mawhna maisak nading thungen ding ka ci kei hi.

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.

Hebru 11:1

Upna in lametnate telcianna hi a, a kimu nai lo nate theihtelna ahi hi.

1 THESALONIKA MASA 5:9

Hehna thuak dingin Pasian in eite hong koih ahi kei hi. I Topa Zeisu Khazih hangin gupna i ngah nadingin hong koih a, eite i hing lai ahi zongin, i si zo ahi zongin Topa tawh i hin’ khawm nadingin, eite tangdingin sihna a thuak zo hi.

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Luka 11:26

Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tua pa a pian’ nunung pen in a pian’ masak sangin a sia zaw hi,” a ci hi.

Late 44:18

Ngiate omna-ah kote hong balnenin, khuamialpi sungah nong paihdak dinga kilawm zahin, ka lungsim uh kihei nai lo a, ka kalsuan uh lampial nai lo hi.

2 THESALONIKA NIHNA 2:3

Kuamah in note bangmah hangin hong kheem kei hen. Bang hang hiam na cih uh leh, tua Ni hong tun’ ma-in langpan’na lian a piang masa ding a, kisiatna’ ta ahi Gilo Mi in hong piang ding hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Paunak 14:14

Misia in siatna thaman ngah a, mipha in phatna thaman ngah hi.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Mangmuhna 17:11

A om ngei, tu-in a om lo sahang mah in zong giatna kumpi ahi tham loin sagihte lakah zong ahi hi. Amah in kisiatna-ah a pai ding hi.

Hebru 10:26

Bang hang hiam na cih uh leh, thuman i theih khit ciangin i deihna zui-in i mawh kik leh, a nung ciangin mawh maisak nading biakna a om kei ding hi;

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Mangmuhna 17:8

Na muh sahang in a om ngei zo hi, tu-in om lo hi; kuamthuk sung pan a hong pusuakkhia ding a, kisiatna-ah a pai ding hi. Leitung pian’ cil-a kipan nuntakna laibu sungah a min kikhum lo leitungah a om mite in tua sahang a om ngei thu, tu-in a om loh thu, a omkik ding sahang ahihna thu a muh uh ciangin lamdang a sa ding uh hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.