Hebru 10:3 - Tedim Bible

³ Tu-in ahih leh, hih biakna pia-in, mawhnate kum simin kingaihsunin a om hi.

Tedim Bible Revision 2017

³ Tua ahih manin biakpiakna a kipiak simin a kumkumin mite a mawhna uh a kiphawksak kikkik ahi hi.

Hebru 10:3 Referans Kwoze

Hebru 9:7

A nihna dei sungah siampi ukpa in ama ading ahi zongin, midangte ading ahi zongin, biakna ganhing sisan paipihin, kum khatin, khatvei bek a tum hi.

Paikhiatna 30:10

Aaron in a kite' tungah kum khatin khatvei kilemna bawl ding hi; amah in kilem nading khialhna hanga biakna si tawh na khang tawntungun kum khatin khatvei kilemna bawl ding hi; tua in Topa' tungah a siangtho pen ahi hi,” a ci hi.

Siampi Laibu 16:34

Hih in, Israel mite’ adingin amau’ khialhnate khempeuh hangin kum khatin khat vei kilemna a kibawlsak theih nadingin note’ adingin a om tawntung ngeina kip khat hi ding hi,” a ci hi. Topa in amah a thupiak bangin Moses a gamta hi.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.

Johan 2:17

Tua lai takin a nungzuite in, “Nangma inn ka deih luatna in kei hong netum ding hi,” ci-a a kigelh a phawk uh hi.