Hebru 10:29 - Tedim Bible

²⁹ Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Tedim Bible Revision 2017

²⁹ Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Hebru 10:29 Referans Kwoze

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

1 KORIN MASA 11:27

Tua ahih ciangin Topa’ khomun leh hai a kilawm loin a ne a dawn mi in Topa’ pumpi leh a sisan tungah a mawh ding hi.

Luka 12:10

Mihing Tapa a gensiate in maisak nading thu a ngah ding uh hi. Kha Siangtho a gensiate in maisak nading thu a ngah kei ding uh hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 9:13

Bang hang hiam na cih uh leh, bawng’ si, keel’ si leh bawngnuno’ kangvute in a nin mite tungah a kitheh ciangin amau pum uh a siangtho sak thei ahih uh leh,

1 KORIN MASA 11:29

Bang hang hiam na cih uh leh, a ne a dawn mi in Topa’ pumpi a khen theih kei leh, ama tungah mawhna a tun’ nadingin a ne a dawn hi.

Hebru 6:4

Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Isaiah 14:19

ahih hangin nang pen, namsau tawh a kithat misite tawh na kituam a, Suanghawmpi sunga a paisukte, khe tawh a kisikcip si luang hawmte bangin, na hankhuk pua lamah hong kilawnkhia hi.

2 KUMPI NIHNATE 9:33

Jehu in, “Amah hong lawnsuk un,” a ci hi. Tua ahih ciangin amaute in Jezebel lawnsuk uh hi; a sisan pawlkhat kulh tung leh sakolte tungah kitheh a, tua ciangin amaute in amah tuancil uh hi.

Hebru 9:20

“Hih si in note kiangah Pasian hong piak thukham thuciamna si ahi hi,” a ci hi.

1 KORIN MASA 15:25

Pasian in galte khempeuh ama khe nuai-ah a khiat khit dong matengin Khazih in a maang ding hi.

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Isaiah 28:3

Efraim zukhamte’ kisaktheihpih ahi tua kumpi lukhu kituancil ding hi. Leihoih zangkuam’ lutung a, a kisuang a vulgawp paak ahi a vanglian ama hoihna in anlak hun ma-a a min theithekgah tawh kibangin, mi khatpeuh in a muhphetin lo in, a khut sungah tawi-in, a valh bangin maimang ding hi.

Late 143:10

Nang in keima Pasian na hih manin nangma deih banga gamta dingin kei hong hilh in! Kei hong hehpih in la, lamphei-ah hong kha in.

1 KORIN MASA 15:27

“Na khempeuh ama khe nuai-ah a khia hi,” ci-in Lai Siangtho sungah a kigelh hi. Ahih hangin, “Na khempeuh a khia hi,” a cih ciangin na khempeuh Khazih’ nuai-ah a khiatsakpa Pasian a om lai hi cih a kilang hi.

Ezekiel 16:6

“Tua ciangin na kiangah kong pai kha a, sisan naisan lak-a na kitomtom kong mu hi. Tua bangin na om lai takin na sih loh nadingin thu kong pia hi.

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

Late 91:13

Nangmah in humpinelkai leh gul gu nei tung na tawn ding a, na khe nuai-ah humpinelkai khang lai leh gulpi na tuancil ding hi.

Paikhiatna 24:8

Moses in sisan la-in mite' tungah theh a, “Hih thute khempeuh tawh kizui-in Topa in note tawh a bawlsa thuciamna sisan en un,” a ci hi.

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Marka 7:2

a nungzui kimkhatte in a nin cihnopna, a kisil lo khut tawh an ne uh a mu uh hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:26

Tua pawlpi in siangtho-in mawhsakna om lo ahih ciangin,

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.