Hebru 10:24 - Tedim Bible

²⁴ Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

Tedim Bible Revision 2017

²⁴ Khatlekhat ki-itin a hoih nate i sep nadingin kihanthawn ciat ni.

Hebru 10:24 Referans Kwoze

1 THESALONIKA MASA 5:11

Tua ahih ciangin note in na hihsa uh bangin, khat leh khat kihansuah un la, khat leh khat kikipsak un.

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

Hebru 13:1

Ute naute ki-itna kip ta hen.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Titu 3:8

Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Galati 6:1

Ute naute aw, mi khat kikeem khialin mawhna khatpeuh ahih khak leh, Kha Siangtho a nei note in mawhna hong zolna tawh na kipelh nadingun kikeemin, lungnemna tawh tua bang mi na kipsak un.

1 KORIN MASA 10:33

mi tampite’ noptuamna zongin, mi khempeuh’ deihna na khempeuh ah ka zuih bangin note in zong Judah mi ahi zongin, Grik mi ahi zongin Pasian’ pawlpi ahi zongin, tuate khempeuh a puk loh nadingun kikem un.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

2 KORIN NIHNA 8:8

Tua bang kong cih ciangin thupiakna tawh hong ci ka hi kei hi. Midangte’ hahkatna paulamin note itna lungsim in a man hiam, a man lo hiam, ze-etna tawh kong ci hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

2 THESALONIKA NIHNA 3:9

Tua bang ka bawl uh ciangin a ngah ding, a la dingin kilawm ka kisak lohna hang uh hi loin, note zuih dingin komau pumpi in limpha ka suah nadingun ka bawl uh hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

2 KORIN NIHNA 9:2

Bang hang hiam na cih uh leh, note in huh nopna lungsim na neih uh ka thei hi. Tua huh nopna lungsim hangin ka kisathei hi. “Akhaia gam mite in nikum pekin a khol zo uh hi,” ci-in Makedonia gam mite kiangah ka gen thei hi. Note’ thanopna lungsim in mi tampi a hansuah zo hi.

ROM (Romans) 12:15

Mi lungdamte tawh kibangin na lungdam khawm un. A kapte tawh na kap khawm un.

1 KORIN MASA 9:22

Thazawngte ka ngah nadingin thazawngte ading thazawng bang ka hi hi. Mi kimkhat lam khatpeuh mah tawh ka gupkhiat theih nadingin mi khempeuh ading na khempeuh ka suak hi.

ROM (Romans) 11:4

Pasian in zong ama kiangah bang ci gen ahi hiam? “Baal mai-ah a khukdin’ lo mi tul sagih keimah ading ka om sak zo hi,” a ci hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.

Paunak 29:7

Midikte in mi cimawhte’ ading thu khual a, migilote in tua bang khualna thei lo uh hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.