Haggai 2:9 - Tedim Bible

⁹ Biakinn thak in a lui sangin hoih zawin thupizaw ding hi. Hih biakinn-ah cihtheihna leh nopsakna kong pia ding hi,” ci sak hi.

Tedim Bible Revision 2017

⁹ Biakinn thak pen a lui sangin hoih zaw-in thupi zaw ding hi. Hih biakinn ah cihtheihna le nopsakna kong pia ding hi,” cisak hi.

Haggai 2:9 Referans Kwoze

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Isaiah 60:7

Kedar gam tuu honte khempeuh nangma kiangah hong kipuak ding a, Nebaioth mite’ tuutalte nangma deihna ah kizang ding hi; keima biakna tau tungah piak dingin tuate hong kipaipih ding a, keimah in a minthang ka inn ka minthangsak semsem ding hi.

Isaiah 66:12

Topa in hih bangin ci hi: “En un, gunpi bangin nopsakna leh tui letkhia bangin minamte’ hauhna ama tungah ka tungsak ding hi; note pen a nu’ nawi teepin, a ang-ah kipua a, a khuk tungah a diang naungeek bangin hong kemin na lungkim ding uh hi. Ama hauhna ah na lungdam ding uh hi.

Haggai 1:8

Tu-in mual tungah kuanto un la, sing sui un. Tua singte tawh biakinn lamkik le uh cin, kei ka lungdam ding a, nong biak ding uh akilawm bangin kei nong bia thei ding uh hi.

Haggai 2:3

“Ni danga biakinn a hoihna dan a ciamteh thei lai na om uh hiam? Tu-in bangci na sa uh hiam? Note’ muhna-ah a gen taak het lo tawh kibang ding hi.

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Ezekiel 43:5

Tua ciangin Kha in hong la-in a tual sungnungah hong paipih a, tua lai panin, Topa’ minthan’na tawh biakinn sung a kidimna ka mu hi.