Haggai 2:5 - Tedim Bible

⁵ Izipt gam panin na paikhiat lai un, note kong ompih tawntung nading thu kong ciam hi. Tu-in zong ka lungsim in note hong ompih lai ahih manin lau kei un.

Tedim Bible Revision 2017

⁵ Egypt gam panin na paikhiat lai-un, note kong ompih tawntungna ding thu kong ciam hi. Tu-in zong note hong ompih lai ka hih manin lau kei un.

Haggai 2:5 Referans Kwoze

Paikhiatna 34:10

Amah in, “En in, keimah in thuciamna khat ka bawl hi. Nangma' mite khempeuh' mai-ah, leitung khempeuh hita leh minam khat peuh sungah hita leh cik mah-a tua bang a kibawl ngei lo nalamdangte ka bawl ding hi; note’ lakah a om mite khempeuh in Topa’ nasepna mu ding uh hi; bang hang hiam cih leh note' tungah kong bawl dingin a kihtakhuai na ahi hi.

Nehemiah 9:20

Amaute a thuhilh dingin a hoih na Kha Siangtho na pia a, na manna an zong amaute kiang panin na la kik kei a, a dangtakna uh a phasak dingin tui na pia hi.

Isaiah 41:13

Bang hang hiam cih leh keimah Topa na Pasian in na khut taklam ka len hi; Lau kei in, nangmah kong huh ding hi,” nang tunga hong cipa in keimah ka hi hi.

Zekhariah 8:13

A beisa hun-ah, Judah gam mite leh Israel gam mite pen, minam dangte in hamsiatna kamin zang uh a, ‘Judah leh Israelte thuak bangin thuak un,’ kici uh hi. Ahi zongin note kong honkhia ding a, tu-in midangte in, ‘Judah leh Israel bangin thupha ngah un,’ ci-in thupha piakna-in kinei ding uh hi. Tua ahih manin na lungsim uh hangsak un la lau kei un.

Zekhariah 8:15

Ahi zongin tu-in Jerusalem khuamite leh Judah gam mite tungah thupha piak ding ka ngaihsun hi. Tua ahih ciangin lunghimawh kei un.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Mattiu 28:5

Vantungmi in, tua numeite kiangah, “Lau kei un; singlamteh tunga kithat, Zeisu na zon’ uh ke’n ka thei hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

2 KHANG TANGTHU NIHNATE 20:17

Note in hih kidona-ah na do ding uh kisam lo hi; Judah gam mite leh Jerusalem khua mite aw, na panmun uh la-in taang loin ding un la, note taangin Topa’ gualzawhna mu un,’ ci hi. Kihta kei un la, lungkia kei un; zing ciangin amaute do-in pai un, Topa in note tawh hong om ding hi,” a ci hi.

Joshua 8:1

Tua ciangin Topa in Joshua kiangah, ‘Lau kei in la lungkia kei in; galkap khempeuh nang kiangah la in la, tho-in Ai-ah paito un; thei in, nangma khut sungah Ai kumpipa leh a mite, a khuapi, leh a leitang kong pia khin zo hi;

Paikhiatna 34:8

Moses in lei lak lamah a lu kunsuk pak a, bia hi.

Paikhiatna 19:4

Izipt mite tungah ka bawlna leh muvanlai in a kha tawh a note a puak bangin note hong pua-in keima' kiangah kong paipihna na mu khin uh hi.

Paikhiatna 19:6

Note in keima' siampi nasep a sem minam, leh minam siangtho na hi ding uh hi. Israel mite' tungah na gen ding in hih thute ahi hi,” a ci hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Paikhiatna 24:8

Moses in sisan la-in mite' tungah theh a, “Hih thute khempeuh tawh kizui-in Topa in note tawh a bawlsa thuciamna sisan en un,” a ci hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi; ahi zongin Topa zuihna panin pial kei un la, na lungsim khempeuh uh tawh Topa’ na sem un;