Haggai 2:19 - Tedim Bible

¹⁹ Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.

Tedim Bible Revision 2017

¹⁹ Na ansal uh ah na upmawh zah sangun an na tawm zaw lai ding ahi hiam? Leenggui le theikung, mang kawlsing le oliv kungte gah nai lo lai ding ahi hiam? Tua bang hi nawn lo dinga, tu ni a kipanin note thupha kong pia ding hi, ci hi,” a ci hi.

Haggai 2:19 Referans Kwoze

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Late 84:12

Mi honte Topa aw, nangmah hong muang mi in thupha ngah mi ahi hi!

Thu-hilhkikna 15:10

Citna tawh amah na pia ding a, amah na piak ciangin lunghianna na nei kei ding hi; Topa na Pasian in na sepna na hihna khempeuh hih thu hangin nang thupha hong pia ding hi.

Piancilna 26:12

Isaak in tua leitangah khai tuh a, tua kum mahin a zah zakhat la hi. Topa in amah thupha pia a,

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Jeremiah 31:14

Siampite an limpen tawh ka vaak ding a, ka mite khempeuh in ka hoihna hangin a lungkim ding uh hi, Topa in ka ci hi.”

Joel 1:12

Leengguite keu a, theikungte vuai ta hi. Mang kawlsingte, nisuhte, leh apple kungte-a kipan, singkung khempeuh keu mang khin hi. Mihingte’ lungdamna teng zong maimang ta hi.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

JOB (Job) 39:12

Lo-a na an piangte hong kaihkhopsakin, na ancilna-ah an khawm dingin um na hi hiam?

Haggai 1:11

Keimah in gam sung teng, mual tung khempeuh, lo khempeuh, leenggui lo khempeuh, oliv cin’na lo khempeuh, leitang pan-a piang kung khempeuh, mihing, ganhing, leh mite’ nasepna khempeuh ah keuna ka tungsak hi,” a ci hi.