Haggai 2:16 - Tedim Bible

¹⁶ An seu sawmnih pha ding ci-in ansal-ah na pai uh ciangin seu sawm bek na pha a, leenggahzu thawlpi sawmnga pha ding ci-in leenggahzu kholna beelpi ah na pai uh ciangin thawlpi sawmnih dim bek a na pha hi.

Tedim Bible Revision 2017

¹⁶ An seu sawm nih pha ding ci-in ansal ah na pai uh ciangin seu sawm bek na pha a, leenggahzu thawlpi sawm nga pha ding ci-in leenggahzu kholna beel pi ah na pai uh ciangin thawlpi sawm nih dim bek a na pha hi.

Haggai 2:16 Referans Kwoze

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Isaiah 5:10

Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Jeremiah 48:33

Lei hoih mahmah Moab gam panin lungdamna leh kipahna kila khia ta hi. Leenggah cilna panin leenggahtui ka luang khiasak nawn kei a, lenggah cil-in kuamah lungdamin a kiko nawn kei hi; a kikona uh lungdam kikona hi lo hi.

Haggai 2:15

Note tungah a piangsa thute lim takin ngaihsun un. Topa’ biakinn lam ding na kipat ma-un bangci na hi uh hiam?

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.