Haggai 2:14 - Tedim Bible

¹⁴ Tua ciangin Haggai in thu gen a, “Topa in hih bangin ci hi: Tu-a nong dawn’na uh mah bangin hih mite’ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.

Tedim Bible Revision 2017

¹⁴ Tua ciangin Haggai in thu gen a, “Topa in hih bangin ci hi: Tu-a nong dawnna uh mah bangin hih minam dangteʼ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.

Haggai 2:14 Referans Kwoze

Titu 1:15

Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Juda 1:23

Mi kimkhat mei sung pan kaikhia-in na gum un. Mi kimkhat zong pumpi deihgawhna hangin nin tawh a kisawh a puante nangawn uh muhthadah huaisa-in, lauthawng kawmin na hehpih un.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Hosea 9:4

Gam dangah na om lai takun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual-a annek bangin, na annekte un zong a ne teng hong ninsak ding hi. Na ante uh zong na gilvah nading bek uh hi ding a, Topa’ inn-ah khat zong na tun’ kei ding uh hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.