Haggai 1:9 - Tedim Bible

⁹ An hau dingin na kilamet uh hangin tawmcik bek na nei uh hi. Na neihsunte nangawn uh inn na tun’pih uh hangin kong mutkhiatsak mang khin hi. Bang hangin hong tua cih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.

Tedim Bible Revision 2017

⁹ “An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mut khiatsak mangkhin hi. Bang hangin tua cih ka hi hiam? Note khempeuh, nomauʼ inn ding ciat lamin na manlah uh a, ka biakinn a siapi-in na koih dakna hang uh ahi hi.

Haggai 1:9 Referans Kwoze

Haggai 1:4

“Ka mite aw, ka biakinn a siacipin a om lai takin, inn hoihpipi sungah note na om ding uh kilawm ahi hiam?

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Isaiah 40:7

Topa’ hu in a mut ciangin lopa vul-in, paak pulh hi; mihingte pen lopa bang lel hi taktak hi.

Mangmuhna 2:4

Ahih hangin nang tungah gen ding thu ka nei hi. Bang thu ahi hiam na cih leh, a masa bel a, na neih itna na paihkhiat thu ahi hi.

JOB (Job) 10:2

Pasian kiangah hih bangin ka ci ding hi: Kei hong mawhsak kei in; kei nong langpan’na thu hong gen in.

2 KUMPI NIHNATE 19:7

En un, keimah in ama sungah lungsim khat ka guang ding a, amah in kamdawn khat za-in a gamah ciahkik ding hi; ama gam mah ah namsau tawh amah a tuk nading ka piangsak ding hi,’ ci un,” a ci hi.

2 SAMUEL NIHNA 22:16

Tua ciangin tuipi tawte kimu a, lei bulpite a guakin om hi, Topa’ mawhsakna, ama nakging tawh.

2 SAMUEL NIHNA 21:1

Tu-in kum khat khit kum khat, David’ hun sungin kum thum sung kialpi tung hi; tua ciangin David in Topa’ kiangah thu dong hi. Tua ciangin Topa in, “Amah in Gibeon mite that ahih manin Saul leh a innkuan tungah mithah mawhna om hi,” a ci hi.

Paunak 27:20

Mihingte’ lungsim in mi site’ gam tawh kibang a, tamlua cih hun nei thei lo hi.

Thuhilh-sia 1:8

Na khempeuh lunggim huai a, kuama gen zawh ding hi lo hi; Mit in a muh cim thei lo a, bil in a zak cim thei lo hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Siampi Laibu 19:25

Ahih hangin a kum ngana ciangin tuate in note adingin hong gah semsem nadingin tuate gah na ne thei ding uh hi: keimah in Topa na Pasian uh ka hi hi.

Thu-hilhkikna 28:38

Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Paunak 11:24

Mi pawlkhat in sum zang ziahziah napi-in hau semsem a, mi pawlkhat in cil mahmah napi, zawng semsem hi.

Isaiah 5:10

Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.