Haggai 1:6 - Tedim Bible

⁶ Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Tedim Bible Revision 2017

⁶ Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Haggai 1:6 Referans Kwoze

Haggai 1:9

An hau dingin na kilamet uh hangin tawmcik bek na nei uh hi. Na neihsunte nangawn uh inn na tun’pih uh hangin kong mutkhiatsak mang khin hi. Bang hangin hong tua cih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.

Hosea 4:10

Amaute in pasian dangte a bia dingin kei kiang panin kihei khia uh ahih manin biak piakna a sa tanhte uh a nek hangun a gil uh vah tuan lo ding hi. Mi pun’na ding deihna-in biakna piakna-in numei tawh mawhna a bawl uh hangin mi pung tuan lo ding hi.

Haggai 2:16

An seu sawmnih pha ding ci-in ansal-ah na pai uh ciangin seu sawm bek na pha a, leenggahzu thawlpi sawmnga pha ding ci-in leenggahzu kholna beelpi ah na pai uh ciangin thawlpi sawmnih dim bek a na pha hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Isaiah 5:10

Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ut utin om thei lo hi. Mi khat leh khat ka kidosak hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Jeremiah 44:18

Ahih hangin vantung kumpinu kiangah paknamtui halna leh tuidawn biakna ka hih nawn loh uh-a kipan bangmah ka nei nawn kei uh a, namsau leh kial in hong thatlum zawsop hi,” a ci uh hi.

Jeremiah 14:4

Lokhote a lungmang uh a, a lu uh puan a khuh uh hi. Bang hang hiam cih leh guahzu lo ahih manin lei a keugawp hi.

JOB (Job) 20:28

Pasian’ hehna hangin, ama hauhna khempeuh kisusia ding hi.

JOB (Job) 20:22

A cihtheih pen hun lai takin, ama tungah lungkhamna lianpen tung ding hi.

1 KUMPI MASATE 17:12

Tua ciangin amah in, “Topa na Pasian in a nungta ahih mah bangin emsa bangmah ka nei kei a, beel sungah annel khut dim khat leh um sungah sathau tawmno khat bek om hi; tu-in keimah leh ka tapa’ adingin bawlin kote in ka nek theih nadingun singkang nih khawng a tom ka hi a, tua ciangin a si ta ding ka hi uh hi,” a ci hi.

2 SAMUEL NIHNA 21:1

Tu-in kum khat khit kum khat, David’ hun sungin kum thum sung kialpi tung hi; tua ciangin David in Topa’ kiangah thu dong hi. Tua ciangin Topa in, “Amah in Gibeon mite that ahih manin Saul leh a innkuan tungah mithah mawhna om hi,” a ci hi.

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Nehemiah 5:2

Mi pawlkhatte in an lei nadingin a tanute uh leh a tapate uh a piakna thu gen uh hi.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Haggai 1:5

Tu laitak-a na omzia uh lim takin ngaihsun un.

Haggai 1:7

Tu laitak-a na omzia uh lim takin ngaihsun un.

Haggai 1:10

Tua thu hangin guah zu lo a, leitang panin bangmah khangkhia zo lo hi.

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.

Thu-hilhkikna 28:17

Na lawhte uh leh na annel meekna kuangte un zong samsiatna ngah ding hi.

Paunak 11:24

Mi pawlkhat in sum zang ziahziah napi-in hau semsem a, mi pawlkhat in cil mahmah napi, zawng semsem hi.