Haggai 1:12 - Tedim Bible

¹² Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

Tedim Bible Revision 2017

¹² Tua ciangin Sheatielʼ tapa Zerubbabel, Jehozadakʼ tapa Joshua ahi siampi lianpen pa le salsuahna panin hong ciahkik mi khempeuh in Topa ahi amauʼ Pasianʼ thu mang uh a, Topa Pasianʼ kamtai ahi kamsang Haggaiʼ gen bangin gamta-in, Topa zahtakin a lau uh hi.

Haggai 1:12 Referans Kwoze

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Haggai 1:14

Tua hi a, Topa in Judah gam ukpa Zerubbabel, siampi lianpa Jehozadak’ tapa Joshua leh salsuahna panin a hong ciahkik mi khempeuh’ sungah biakinn lam nopna lungsim a guan hi. Topa, amau’ Pasian’ biakinn lam dingin hong kithawi uh a,

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

Paunak 1:7

Topa zahtakna in pilna kipatna hi a, mihaite in pilna leh thuhilhna don lo uh hi.

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Haggai 2:2

Judah gam ukpa Zerubbabel, siampi lianpa Jehozadak’ tapa Joshua leh sal suahna panin hong ciakkik mi khempeuh tungah thu a gen dingin sawl a,

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

Thuhilh-sia 12:13

Hih thute khempeuh banah, gen ding thu khat bek om hi. Mihing hong kipian’sakna, a thu bulpipen in: Pasian zahtakna, leh a thupiaknate man’na ahi hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Thu-hilhkikna 31:12

-

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

Thu-hilhkikna 31:13

Jordan gal khatah a luah dingin na paina gam uhah na nuntak lai tengun amaute in a thu za-in Topa na Pasian uh zahtak ding a theih nading, leh hih thukham thute khempeuh lim takin a sep theih nading, leh hih thu a thei nai lo amau’ tate in Topa na Pasian uh zahtak ding a theih nadingun, numei, pasal, leh naupangte, leh na khuapite uh sunga om peemtate, mi khempeuh khawm un,” a ci hi.

Ezra 10:18

Siampite beh lak panin Jozadak’ tapa Jeshua leh a sanggamte beh sung panin Ma-aseiah, Eliezer, Jarib, leh Gadaliahte in gamdang numei a ten’pihna kimu hi.

Isaiah 1:19

Note in utna lungsim nei-in thu na man’ nak uh leh lei pan-a piang a gah hoihte na ne ding uh hi;