Haggai 1:11 - Tedim Bible

¹¹ Keimah in gam sung teng, mual tung khempeuh, lo khempeuh, leenggui lo khempeuh, oliv cin’na lo khempeuh, leitang pan-a piang kung khempeuh, mihing, ganhing, leh mite’ nasepna khempeuh ah keuna ka tungsak hi,” a ci hi.

Tedim Bible Revision 2017

¹¹ Keimah in gam sungteng, mual tung khempeuh, leitang pan a a piang kung khempeuh, mihing, ganhing le miteʼ nasepna khempeuh ah keuna ka tungsak hi,” a ci hi.

Haggai 1:11 Referans Kwoze

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

2 KUMPI NIHNATE 8:1

Tu-in Elisha in a tapa a nuntakna a hin’ kiksak numei kiangah, “Ding in, na innkuan tawh kihemkhia in la, na hih theihna peuhpeuh ah peem in; bang hang hiam cih leh Topa in kialpi khat tungsak a, gam sungah tua kialpi kum sagih sung hong tung ding hi,” ci khin zo hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Amos 9:6

Topa in vantungah a inndeite bawl a, vankuumpi tawh leitung a khuhsuk hi. Amah in tuipi panin tuite samkhia a, lei tungah tua tuite sung hi. Hih bangin a bawlpa’ min in Topa ahi hi.

Amos 7:4

Tua ciangin Topa Pasian in hih bangin hong musak leuleu hi: Amah in meikuang tawh a mite daan pia dingin hong kithawi a, tuipite keutum sak a, leitung zong haltum dingin hong kipan hi.

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

Jeremiah 14:2

“Judah gam kap a, a khuapite maimang dekdek hi. A mite in puanvom khu-in lei lakah a bok uh a, Jerusalem khua mite’ kahna aw ging hi.

Malakhi 3:9

Na minam bup-un keima neihsa hong guksak na hih manun note khempeuh tungah samsiatna hong tung hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.

Haggai 2:19

Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.