Habakkuk 3:8 - Tedim Bible

⁸ Topa aw, na sakolte tungah nang hong tuangin, na gualzawhna leengte tawh nong pai nadingin, gunpite tungah na hehsuak a, tuipi tungah na thangpai ahi hiam?

Tedim Bible Revision 2017

⁸ Topa aw, na sakolte tungah nang hong tuangin, na gualzawhna leengte tawh nong pai nadingin, gunpite tungah na heh suak a, tuipi tungah thangpai na hi hiam?

Habakkuk 3:8 Referans Kwoze

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Late 114:5

Tuipi aw, na taikhiat nading, Jordan gun aw, na nungkik nading,

Late 114:3

Tuipi in mu-in taikhia a, Jordan gun a nung kik hi.

Late 18:10

Amah in Kherub khat tungah tuangin hong leeng a, huih khate tungah manlang takin hong leeng hi.

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Habakkuk 3:15

Nangmah in na sakolte tawh tuipi na tuancil a, tui lianpite phuan zuazua hi.

Nahum 1:4

Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Late 68:4

Pasian’ tungah la sa un la, ama min phatna la sa un; meiite tunga tuangpa lasak un; ama min in Topa ahi hi, a mai-ah lungdamin diang un!

Mangmuhna 19:14

Vantunga om galkapte in zong a siangtho a paak saihadial silhin sakol kaang tungah tuangin ama nung a zui uh hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Mangmuhna 6:2

ka et ciangin sakol kang khat ka mu hi! Tua sakol tung tuang mi in thal a tawi hi. Tua mi kumpilukhu khat a kipia hi. Amah in zong zoin ahi zongin, zawh nadingin ahi zongin a pusuak hi.

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

Paikhiatna 7:20

Moses leh Aaron in Topa’ thupiak bangin hih uh hi; Faro leh ama uliante’ muh-in amah in ciangkhut vik to-in Nail gun sunga om tui sat a, Nail gun sunga om tui khempeuh sisan suak hi.

Paikhiatna 7:19

Topa in Moses' kiangah, “Aaron' kiangah hih bangin gen in, ‘Na ciangkhut la in la, sisan a suah theih nadingin Izipt tuite, amau’ gunte, amau’ luite, amau’ bualte' tung leh amau’ tuili khempeuhte' tungah na khut zan in; Izipt gam sunga sing beel leh suang beel khempeuh sung nangawnah sisan om ding hi,’ ci in,” ci hi.

Paikhiatna 14:16

Israel mite in leikeu tung tawnin tuipi a kantan theih nadingin na ciangkhut laamto in la, tuipi tungah na khut zan-in khenkham in.

Late 77:16

Tuite in nang hong muh ciang, Pasian aw, tuite in nang hong muh ciangin, amaute lau uh hi, hi taktak hi, tuithukpi zong a liing hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.