Habakkuk 3:7 - Tedim Bible

⁷ Kush gam mite a lau mahmahna, leh Midian gam mite a liin’na uh ka mu hi.

Tedim Bible Revision 2017

⁷ Kush gam mite a lau mahmahna, Midian gam mite a linna ka mu hi.

Habakkuk 3:7 Referans Kwoze

Joshua 9:24

Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.

Joshua 2:10

Bang hang hiam cih leh Izipt panin nong paikhiat lai-un Topa in note mai-ah San Tuipi tui a kan’sakna, leh Jordan gal khata om na suksiat mang uh Amor mite’ kumpi nihte ahi Sihon leh Og tungah na bawlna uh ka za khin uh hi.

Thukhente 8:12

Tua ciangin Zebah leh Zalmunna tai uh hi; amah in amaute delhin Midian kumpi nihte Zebah leh Zalmunna manin galkapte khempeuh kitheh thangsak hi.

Jeremiah 49:29

A puan bukte uh leh a tuu honte uh-a kipan a buk kongkhak puante uh leh a nate khempeuh uh kilak sak ding hi. A kalaohte uh kipai khiatpih ding a, ‘Mun khempeuh ah launa!’ ci-in a kiko ding uh hi.

Paikhiatna 2:15

Faro in tua thu a zak ciangin Moses thah dingin zong hi. Ahih hangin Faro’ kiang panin Moses tai-in Midian gamah om hi; amah tuikhuk gei khatah tu hi.