Habakkuk 3:6 - Tedim Bible

⁶ Amah a khawl ciangin leitung liing a, a et ciangin minam khempeuh liing uh hi. Taangtawng lai-a a totsa, taanglai mualliante kitamkham a, a om tawntung mualneute kimetcip hi.

Tedim Bible Revision 2017

⁶ Amah a khawl ciangin leitung liing a, amah in a et ciangin minam khempeuh liing uh hi. Tangtawng lai-in a tot sa, tanglai mual liante kitam kham a, a om tawntung mual neute kimetcip hi.

Habakkuk 3:6 Referans Kwoze

Piancilna 49:26

Na pa’ thuphate in tawntung mual liante’ thupha, tawntung mual neute’ tamna sangin vanglian zaw hi; tuate in Josef’ lutang tung leh a sanggamte' kiang panin a tuamkoihpa’ tungah om ta hen.

Nahum 1:5

Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Thu-hilhkikna 33:15

taanglai mualte tunga piang a hoihpente, leh tawntung mualte’ hauhna tawh,

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Hebru 13:8

Zeisu Khazih in zanni, tuni, atawntungin kikheel loin a om hi.

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding hi; ahih hangin keima dikna om tawntung ding a, khang tawntungin ka hotkhiatna kip ding hi.”

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Late 68:16

Mualdawn zum tampi a nei mual aw, Pasian in ama om nadinga a deih mual, Pasian a om tawntung nading mun, bang hangin en’na tawh en na hi hiam?

Thukhente 5:5

Topa mai-ah mualte kiliing hi, Israelte’ Pasian, Topa’ mai Sinai gal khatah.

Joshua 10:42

Israelte’ Topa Pasian in Israelte adingin dosak ahih manin Joshua in hih kumpite khempeuh leh amau leitang hun khat sungin la khin hi.

Thu-hilhkikna 32:8

Sang Penpa in minam dangte tungah amau’ gamh pia a, mihingte a teen’ nading mun a seh ciangin, Pasian in a phazah tawh kizui-in mite’ gamgi a phut hi.

Paikhiatna 21:31

Tua bawngtal in mi’ tapa ahi a, tanu ahi zongin a ki tawh a sik leh hih ngeina tawh kizui-in kigamta ding hi.

Paikhiatna 15:17

Nang in amaute hong paipihin nangma' mual tungah amaute na suan ding a, Topa aw, nangma' om nading mun-a na bawlsa munah, Topa aw, na khutte in a phuhsa na biakinn-ah, na koih ding hi.

JOB (Job) 21:18

Huih in a letkhiat buhkungte bang, huihpi in a mutkhiat buhsi bangin bawl ngei ahi hiam?

Late 35:5

Topa’ vantungmi’ hawlna tawh amaute huih letkhiat ansite tawh kibangsak in.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Paikhiatna 15:14

Mite in za khin uh a, amaute liing uh hi; Filistia-ah a teng mite gimna in mancip hi.

Paikhiatna 15:15

Tu-in Edom ukpite lungkia uh a, Moab makaite, liin’na in mancip hi; Kanaan-ah a teeng mite khempeuh tuisuak khin uh hi.

Paikhiatna 19:18

Sinai Mual meikhu in tuamcip hi, bang hang hiam cih leh Topa in mei sungah tua mual tungah kum hi; a khu in meiphualpikhu bangin kahto a, a mual buppi nakpi takin liing hi.

JOB (Job) 9:5

Pasian in mualte liingsak a, tawlnga sak lo hi; a hehna tawh mualte lumlet hi.

Late 97:5

Topa’ mai, leitung mi khempeuh Topa’ mai-ah mualliante in khuainun bangin tui suak uh hi.