Habakkuk 3:16 - Tedim Bible

¹⁶ Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Tedim Bible Revision 2017

¹⁶ Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.

Habakkuk 3:16 Referans Kwoze

Jeremiah 23:9

Kamsangte tawh kisai-in: Topa’ hang leh ama’ thu gen kammal siangthote’ hangin ka sungah ka lungsim kitam kham a, ka guh ka tang a liing hi. Zu tam ne lua-a a kham mipa tawh ka kibang hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Daniel 10:8

Kei guak bek hong kinusia ahih manin tua a lamdang mangmuhna keimah guak bek mah in ka mu hi. Ka tha neih teng bei khin a, ka mel kikhel gawp ahih manin ka cimawh hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Luka 21:19

Lung kipna tawh nuntakna na ngah ding uh hi.”

JOB (Job) 30:17

Zan thapai-in ka guh sung ka taang sung khempeuh na a, hong pet tawntung natna pen dai ngei lo hi.

JOB (Job) 30:30

Ka vun vomin dulh khia a, ka pumtangin ka ci sa gawp hi.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.

Paunak 14:30

Lungnopna in pumpi cidamsak a, hazatna in guh muatsak natna ahi hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 5:15

En un, Israel minamte aw, Topa in kong cih-inah, gamlapi panin note hong sim dingin gam khat kong kuansak ding hi. Tua gam in tanglai peka a om sa, a hat mahmah, amaute’ pau na theih loh uh gam khat ahi hi.

Kah la 1:13

Amah in vantung panin meikuang hong khia a, ka sung lam a hong kang hi. Amah in thang hong siah a, awk-in lei lakah ka kipuk hi. Tua bangin natna ka thuak tawntung hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Kah la 1:20

Topa aw, ka thuaknate, ka lung gimnate hong en in. Ka mawhna hangin dah ka hih manin ka lungtang a kitam hi. Kongzing lakah kithahna om a, innsung nangawn ah sihna a om hi.

Daniel 10:9

Tua mipa’ kam pau ka zak ciangin ka khup lamin lei lakah ka tuksuk a, khua ka phawk nawn kei hi.