Habakkuk 2:8 - Tedim Bible

⁸ Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.

Tedim Bible Revision 2017

⁸ Note in minam dang tampiteʼ na na sut uh a, tu-in a om lai mite in noteʼ na hong sut ding uh hi. Bang hang hiam cih leh note in mi thatin, khuapite le a sunga teeng mite na bawlsia uh hi.

Habakkuk 2:8 Referans Kwoze

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.

Zekhariah 1:15

Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

Habakkuk 2:10

Note’ vaihawmna mah in na mite uh tungah maizumna hong tun’ a, minam dangte na suksiatna uh tawh, note mahmah siat nading a bawl na hi uh hi.

Jeremiah 51:48

Tua ciangin vantung teng leh leitung leh, a sunga om nate khempeuh in Babilon’ hangin lungdamin la a sa ding uh hi. Bang hang hiam cih leh leilu lam panin amau a susia ding mi hong pai ding uh hi, Topa in kong ci hi.

Jeremiah 51:44

Babilon khuate’ pasian Bel zong ka daantat ding a, a na guksa teng ka lak khiatsak kik ding hi. Gamdangte in amah a bia nuam kei ding uh hi; Babilon khua kulhpi a cim ta hi.

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Jeremiah 51:13

Aw, no tui tamna gei-a teengte, no sum a haute aw, na hun uh bei ta a, na nuntakna khau uh kitat ta hi.

Jeremiah 51:8

Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Jeremiah 50:37

Sakolte leh sakol leengte, numei tawh kibang a galkap cialte uh, namsau tawh kithat uh hen! A sum a pai khempeuh uh, kituahmang sak hen!

Jeremiah 50:28

“Ngai dih un! Topa i Pasian’ thuhkikna, ama’ biakinnpi hang-a a phulakna thu Zion khua-a tangko dingin ka mite in Babilon gam panin suakta-in a tai uh hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Isaiah 33:4

tangngol in na a khop bangin amau’ van nusiatte kikaikhawm a, kauphe honpi bangin van tawmin mite phe zaizai hi.

Late 137:8

Mi a susia, Babilon aw, kote tunga nong bawl bangin nang tungah hong thukpa in lungdamna ngah ta hen!

Jeremiah 50:14

No thal tawite khempeuh aw, Babilon khua sim dingin a kimkotah gal pang un. Thaltang khat beek siit kei un la, kap un; bang hang hiam cih leh Topa’ tungah a mawh zo uh hi.

Ezekiel 28:16

Na sumbawl luatna hangin ngongtatin mawhna sung na tung kha hi. Tua ahih manin ka mual siangtho panin nang ka hong hawl khia a, a tee zaizai suangmanphate lak panin nang hong cing kherubte in hong hawlkhia uh hi.

Ezekiel 39:10

Amaute in mei cih dingin a kinusia galhiamte nei uh ahih manin gamlakah sing tom kul lo ding a, tulakah sing phuk ding zong kisam lo ding hi. Amaute in amau’ na a sutte’ na sutin, a suksiatsakte’ na suksiatsak ding uh hi. Topa Pasian in thu ka gen khin hi,” hong ci hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Obadiah 1:15

Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.

Paunak 22:23

Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.