Habakkuk 2:6 - Tedim Bible

⁶ A zawhna gam mite in amau a zo mite simmawh bawlin, “No aa a hilopi kim lai no’ aa dingin na la uh hi; ahi zongin tu-in gimna na thuak ding uh hi. Note tungah lei hong bate khem bawlin bang tan vei na hauhna uh behlap nuam lai na hi uh hiam?” ci ding uh hi.

Tedim Bible Revision 2017

⁶ A zawhna gam mite in amau a zo mite simmawh bawlin, “No aʼ ahi lopi kimlai no adingin na la uh a, ahi zongin tu-in gimna na thuak ding uh hi. Note tungah lei hong bate khem bawlin, bang tanvei na hauhna uh behlap nuam lailai na hi uh hiam?” ci ding uh hi.

Habakkuk 2:6 Referans Kwoze

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Jeremiah 50:13

Topa’ hehna hangin kuamah teeng lo ding a, gamlakpi a suak ding hi. Babilon khua a kantan khempeuh in lamdang sa-in khuapi siatna hangin zahko-in a phit san ding uh hi.

Jeremiah 29:22

Amaute’ hangin Judah gam pana Babilon khua-a sal tang mi khempeuh in: “Babilon kumpipa in Zedekiah leh Ahab, a hing tanga mei sunga a em bangin Topa in nang hong hih hen,” ci-in kihaamsiatna-in a zang ding uh hi.

Gamlak-vakna 23:7

Balaam in a thugen ding teng genin, “Aram panin Balak in kei hong paipih hi, nisuahna mualte panin Moab kumpipa in hong paipih hi; ‘Hong pai in, Jakob mite hong samsiat sak in, hong pai in, Israel mite mawhsak in! hong ci hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

Habakkuk 2:13

Na zawh uh minamte’ nasepna sate a mawkna suakin, amau’ sepsa teng a khu-in leng mang hi. Hih thu in Vanglianpen Topa’ pian’sak ahi hi.

Habakkuk 1:15

Amaute in ngasa mat bangin sikkawi tawh mite man uh a, a ngen uh tawh khuhin manin, a ngenpi uh tawh kaikhia a, tua banga a matna hangun lungdamin awng uh hi.

Ezekiel 32:21

Izipt mite a pan’pih galhang pente in mi site gam Leinuai panin amaute na dawn ding uh a, ‘Pasian a thei lo, gal sunga si mite hong paisuk uh a, hih lai-ah lum ta uh hi,’ ci-in kiko ding uh hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Paunak 22:16

Hauh nop manin mihaute letsong pia leeng kizawn’lawh a, hauh nop manin mizawngte’ neihsa laksak leeng zong kihauhlawh tuan lo hi.

Late 94:3

Topa aw, migilote bang tanvei, migilote bang tanvei lungdamin omom lai ding ahi uh hiam?

Gamlak-vakna 23:18

Balaam in a thugen ding teng genin, “Balak aw, tho in la, za in; Zippor’ tapa aw, ka thu ngai in:

Isaiah 10:13

Bang hang hiam cih leh amah in: “Keimah in thu theihtelna nei ka hih manin keima thahatna leh keima pilna tawh ka hih khin hi; mihingte’ gamgite lakhia-in amau’ sumte ka sut khin hi; keimah in a vanglianpa bangin amau kumpite ka sugawp hi.

Habakkuk 2:12

Note in mi thahna tawh khuapi satin, mawhna tawh khuapi phut na hih manun, gimna na ngah ding uh hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.