Habakkuk 2:5 - Tedim Bible

⁵ Hauhna in zuaupi hi a, a huaiham mi in kiphasakin omkhong thei lo a, hankhuk mah bangin, pha zo, cih om sak thei lo a, lungkim hun cih nei thei lo hi. Tua ahih manin minam dangte a ban banin simin uk hi.

Tedim Bible Revision 2017

⁵ Hauhna pen zuaupi hi a, a huaiham mite kiphasakin omkhong thei lo uh a, hankhuk mah bangin, pha zo, cih omsak thei lo uh a, lungkim hun cih nei thei lo uh hi. Tua ahih manin minam dangte a banbanin simin a uk uh hi.

Habakkuk 2:5 Referans Kwoze

Paunak 27:20

Mihingte’ lungsim in mi site’ gam tawh kibang a, tamlua cih hun nei thei lo hi.

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Isaiah 21:5

Amaute in sabuai phahin, sual puante phah uh a, ne-in, dawn uh hi. Uliante aw, tho un, lumte sathau nuh un!

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Thuhilh-sia 5:10

Sumdeihna lungsim na neih leh lungkim hun cih na nei ngei kei ding hi; na hauh nop hangin na deih khempeuh na ngah ngei kei ding hi; hih in a mawknapi ahi hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

2 KUMPI NIHNATE 14:10

Nangmah in Edom na vat khin a, na lungsim in nang hong liansak hi. Na minthan’na tawh lungkim in la, innah om in; bang hangin nang tukin, Judah tawh nang na tuk nadingin buaina piangsak ding na hi hiam?” a ci hi.

Jeim 4:6

Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

1 THESALONIKA MASA 4:11

a pua lamah a om mite mai-ah akilawm gamta-in, sapna a om loh nadingin kote in ka hong vaikhak uh mah bangin, nuam takin omin, nomau’ na sem ciatin, nomau khut uh tawh na sep nadingun kote in hansuahin ka hong thuum uh hi.

Habakkuk 2:4

Tua a hong tung ding thu in, ‘A gilo mite suakta lo ding a, ahih hangin thuman mi in ama upna tawh a nungta ding hi,’” hong ci hi.

Jeremiah 51:39

Ka hehna tawh amaute an ka vak ding a, khua a phawk nawn loh dong uh zu ka khamsak ding hi. A tawntungin a thuum paisuak ding uh a, a khanglo nawn kei ding uh hi, Topa in kong ci hi.

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Paunak 21:24

Mi kihisak i cihte pen, kiliansakin a kiphasak mite ahi hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.

Habakkuk 1:15

Amaute in ngasa mat bangin sikkawi tawh mite man uh a, a ngen uh tawh khuhin manin, a ngenpi uh tawh kaikhia a, tua banga a matna hangun lungdamin awng uh hi.

Habakkuk 1:17

Amaute in a namsau uh zangin, hehpihna mel nei loin mi thatthat ding uh ahi hiam?